ప్రధాని నరేంద్ర మోడీ అధ్యక్షతన జరిగిన ఈరోజు కేంద్ర కేబినెట్ కీలక నిర్ణయాలకు ఆమోద ముద్ర వేసింది. సూక్ష్మ చిన్న మధ్య తరహా పరిశ్రమలకు అదనంగా మరో మూడు లక్షల కోట్ల ప్యాకేజీకి కేంద్ర క్యాబినెట్ ఆమోదం తెలిపింది. ముద్రా స్కీము లబ్దిదారులకు కూడా ఈ ప్యాకేజీ వర్తిస్తుంది. రైతులకు కూడా కేంద్ర క్యాబినెట్ మరిన్ని రాయితీలను ప్రకటించింది. ధాన్యం నిల్వలపై పరిమితిని ఎత్తేసింది. కేంద్రం ప్రకటించిన ఉద్దీపన ప్యాకేజీలో సూక్ష్మ, చిన్న, మధ్య తరహా పరిశ్రమలకు ఇప్పటికే మూడు లక్షల కోట్లు కేటాయించారు. దీనికి అదనంగా ఇప్పుడు మరో మూడు లక్షల కోట్లను కేటాయించడానికి కేంద్ర క్యాబినెట్ ఆమోదం పొందింది.
అదే విధంగా బొగ్గు లిగ్నైట్ గనుల వేలానికి కూడా క్యాబినెట్ ఆమోదం తెలిపింది. వలస కూలీలకు ఆహార ధాన్యాల పంపిణీ కోసం ఆత్మ నిర్భర భారత్ భారీ ప్యాకేజీకి కూడా క్యాబినెట్ ఆమోదం లభించింది. ప్రధాని మోదీ అధ్యక్షతన జరిగిన కేబినెట్ భేటీలో ఈరోజు ఎన్నో కీలక నిర్ణయాలకు ఆమోద ముద్ర వేశారు.
ప్రధానమంత్రి నరేంద్ర మోడీ ఇప్పటికే ప్రకటించిన ప్యాకేజీ ఆర్ధిక వ్యవస్థను గాడిలో పెట్టే వ్యవహారంలో తీసుకున్న నిర్ణయాలు వీటన్నింటిని కేంద్ర కేబినెట్ ఆమోదం లభించినట్లైంది. కొన్ని విధాన పరమైన నిర్ణయాలలో అంటే పన్ను రాయితీలు, కొన్ని రకాల ప్యాకేజీలు, కోల్ మైన్స్ ఆక్షన్ కి సంబంధించిన వాటిపై సుదీర్ఘంగా చర్చించి వాటిపై తుది నిర్ణయాలను తీసుకున్నారు. వీటన్నింటిపై కీలకంగా చర్చించి కేబినెట్ ఆమోద ముద్ర వేయడం విశేషంగా చెప్పవచ్చు.
