‘ఆర్ఆర్ఆర్’ తర్వాత గ్లోబల్ స్టార్ ఎన్టీఆర్ నటిస్తున్నభారీ యాక్షన్ చిత్రం ‘దేవర’. ఈ సినిమా ని సక్సెస్ ఫుల్ డైరెక్టర్ కొరటాల శివ డైరెక్ట్ చేస్తున్నవిషయం తెలిసిందే. యువసుధ ఆర్ట్స్, ఎన్టీఆర్ట్స్ బ్యానర్లు సంయుక్తంగా భారీ బడ్జెట్ తో నిర్మిస్తుండటం విశేషం. ఈ మూవీ షూటింగ్ శరవేగంగా కొనసాగుతోంది. ఏమాత్రం గ్యాప్ ఇవ్వకుండా కీలక సన్నివేశాలను పూర్తి చేస్తూ వస్తూ ఉన్నారు . ‘దేవర’ నుంచి చిత్ర యూనిట్ అప్డేట్ ఇచ్చింది. మరో 5 నెలల్లో మూవీ థియేటర్లలో రానున్నట్లు ప్రత్యేక మాస్ పోస్టర్ను షేర్ చేసింది. ‘భయానికి కొత్త పేరు ఉంటే అదే దేవర. మరో 150 రోజుల్లో విధ్వంసాన్ని థియేటర్లలో వీక్షించేందుకు సిద్ధంగా ఉండండి’ అని పేర్కొంది.
ఎన్టీఆర్ ఆర్ట్స్ బ్యానర్లో తెరకెక్కుతున్న ఈ మూవీ పార్ట్ 1 ఏప్రిల్ 4న థియేటర్లలో రానుంది. ‘దేవర’ కోసం హాలీవుడ్ టెక్నీషియన్లు పనిచేస్తుండటం విశేషం. భారీ యాక్షన్ సీన్లు ఉండటంతో గ్రాఫిక్ విషయంలోనూ ఎక్కడా కూడా తగ్గడం లేదు. ఇక ఈ చిత్రంలో ఊర్వశీ రౌటేలా ఐటెమ్ సాంగ్ చేయబోతుండటం విశేషం. బాలీవుడ్ యంగ్ బ్యూటీ జాన్వీ కపూర్ కథానాయిక. సైఫ్ అలీ ఖాన్ విలన్ గా నటిస్తున్నారు. మ్యూజిక్ సెన్సేషన్ అనిరుధ్ సంగీతం అందిస్తుండటం విశేషం.
