సుహాస్ హీరోగా శివాని నగరం హీరోయిన్ గా దుశ్యంత్ కటికనేని దర్శకత్వంలో తెరకెక్కిన లేటెస్ట్ లవ్, యాక్షన్ ఎమోషనల్ సినిమా అంబాజీపేట మ్యారేజి బ్యాండు. ఇటీవల థియేటర్స్ లో ఆడియన్స్ ముందుకి వచ్చిన ఈ సినిమా అందరినీ ఆకట్టుకుని మంచి సక్సెస్ ని సొంతం చేసుకుంది. విషయం ఏమిటంటే, తాజాగా ఈ సినిమా యొక్క ఓటిటి రిలీజ్ డేట్ ఫిక్స్ అయింది.
ప్రముఖ ఓటిటి మాధ్యమం ఆహాలో ఈ సినిమా లో మార్చి 1 నుండి స్ట్రీమింగ్ కానున్నట్లు కొద్దిసేపటి క్రితం అఫీషియల్ అనౌన్స్ మెంట్ వచ్చింది. శేఖర్ చంద్ర సంగీతం అందించిన ఈ సినిమా ని ధీరజ్ మొగిలినేని ప్రొడక్షన్స్ సంస్థ నిర్మించింది. గోపరాజు రమణ, జగదీశ్ ప్రతాప్ బండారి, స్వర్ణకాంత్ తదితరులు కీలక పాత్రలు చేసిన ఈ సినిమా ఎంతమేర ఓటిటి ఆడియన్స్ ను అలరిస్తుందో చూడాలి.