యువ నటుడు ఆనంద్ దేవరకొండ ఇటీవల బేబీ ద్వారా ఆడియన్స్ ముందుకి వచ్చి పెద్ద విజయం ని సొంతం చేసుకున్నారు. ఇక తాజాగా గం గం గణేశా అనే సినిమా చేస్తున్నారు. దీనిని యువ దర్శకుడు ఉదయ్ బొమ్మిశెట్టి తెరకెక్కిస్తుండగా హైలైఫ్ ఎంటర్‌టైన్‌మెంట్ బ్యానర్‌ పై కేదార్ సెలగంశెట్టి, వంశీ కారుమంచి గ్రాండ్ గా నిర్మిస్తున్నారు. ప్రగతి శ్రీవాస్తవ కథానాయికగా నటిస్తున్న ఈ సినిమా లో నయన్ సారిక కీలక పాత్రలో కనిపించనున్నాడు .
చైతన్ భరద్వాజ్ స్వరాలు సమకూరుస్తున్న ఈ క్రైమ్ కామెడీ ఎంటర్టైనర్ సినిమా నుండి ఇప్పటికే రిలీజ్ చేసిన ఒక సాంగ్, టీజర్ అందరినీ ఆకట్టుకుని సినిమా పై మంచి అంచనాలు ఏర్పరిచాయి. విషయం ఏమిటంటే, తాజాగా ఈ సినిమా యొక్క రిలీజ్ డేట్ లాక్ అయినట్లు తెలుస్తోంది. కాగా ఈ సినిమా ని అన్ని కార్యక్రమాలు ముగించి మే 31న గ్రాండ్ గా ఆడియన్స్ ముందుకు తీసుకువచ్చేందుకు మేకర్స్ సన్నాహాలు చేస్తున్నారట. కాగా దీనిపై త్వరలో వారి నుండి అఫీషియల్ అనౌన్స్ మెంట్ కూడా రానున్నది .