బాలీవుడ్ సూపర్ స్టార్ రణబీర్ కపూర్ హీరోగా నటించిన వైలెంట్ యాక్షన్ డ్రామా “అనిమల్” అని అందరికీ తెలిసిందే. మరి ఈ మూవీ తో భారీ ఫేమ్ తెచ్చుకున్న యంగ్ హీరోయిన్ త్రిప్తి దిమ్రి నటించిన రీసెంట్ అడల్ట్ కామెడీ డ్రామా మూవీ నే “బ్యాడ్ న్యూజ్”. ఇటీవల బాలీవుడ్ ఆడియెన్స్ లో మంచి హైప్ రేపిన ఈ మూవీ మంచి వసూళ్లు సాధించి హిట్ కూడా అయ్యింది.
టాలెంటెడ్ నటుడు విక్కీ కౌశల్ నటించిన ఈ సినిమా కొన్ని రోజులు కితమే ఓటీటీలో రెంటల్ గా స్ట్రీమింగ్ కి వచ్చింది. అయితే ఇప్పుడు ఫైనల్ గా ఈ మూవీ ఫ్రీగా స్ట్రీమింగ్ కి వచ్చేసింది. రెంటల్ కి తీసుకొచ్చిన అమెజాన్ ప్రైమ్ వీడియో లోనే ఈ మూవీ నేటి నుంచి ఫ్రీ స్ట్రీమింగ్ కు వచ్చేసింది. మరి ఈ అడల్ట్ కామెడీ డ్రామా చూడాలి అనుకునేవారు ప్రైమ్ వీడియోలో ట్రై చేయవచ్చు. ఇక ఈ మూవీ ని ఆనంద్ తివారి దర్శకత్వం వహించగా కరణ్ జోహార్ నిర్మాణం వహించారు.
