హీరో మంచు విష్ణు డ్రీమ్ ప్రాజెక్ట్ కన్నప్ప. ముఖేష్ కుమార్ సింగ్ దర్శకత్వంలో రూపుదిద్దుకుంటున్న ఈ మూవీ కి మోహన్ బాబు నిర్మాతగా వ్య‌వ‌హ‌రిస్తున్నారు. భారీ బడ్జెట్ తో, స్టార్ కాస్ట్ తో కన్నప్ప మూవీ తెర‌కెక్కుతోంది. ఈ మూవీ లో మోహన్ బాబు, మోహన్ లాల్, శరత్ కుమార్, అక్షయ్ కుమార్, ప్రభాస్, బ్రహ్మానందం, నయనతార, మధుబాల వంటి స్టార్ న‌టీన‌టులు భాగ‌స్వామ్యం అయ్యారు. తాజాగా మరో స్టార్ హీరోయిన్ సైతం ఈ మూవీ లో నటిస్తుంది .
Another star heroine to act in Kannappa’s movie..!
ఆమె ఎవరో కాదు అందాల చంద‌మామ కాజ‌ల్ అగ‌ర్వాల్‌. ఈ విష‌యాన్ని చిత్ర బృందం సోష‌ల్ మీడియా వేదిక‌గా తెలియ‌జేసింది. ఒక మంచి పాత్ర‌లో ఆమె న‌టించ‌నున్న‌ట్లు తెలిపింది. ఇప్పటికే కన్నప్ప మూవీ న్యూజిలాండ్ లో రెండు షెడ్యూల్స్ షూటింగ్ పూర్తి చేకున్నది . ఇప్పుడు రామోజీ ఫిలిం సిటీలో షూటింగ్ జరుపుకుంటుంది. కాగా.. మే 14 నుంచి మే 25 వరకు ఫ్రాన్స్ లో జరగనున్న కాన్స్ ఫిలిం ఫెస్టివల్ లో కన్నప్ప మూవీ బృందం పాల్గొననుంది. మే 20న సాయంత్రం 6 గంటలకు కాన్స్ ఫిలిం ఫెస్టివల్ వేదికలో కన్నప్ప టీజర్ రిలీజ్ చేయబోతున్నట్టు ప్ర‌క‌టించిన సంగ‌తి తెలిసిందే.
