అనుష్క, మాధవన్ కలిసి నటిస్తున్న నిశ్శబ్ధం సినిమా టీజర్‌ను దీపావళి కానుకగా చిత్ర యూనిట్‌ విడుదల చేసింది. మిగతా భాషల్లో సైలెన్స్ పేరుతో రానున్నది. అనుష్క, మాధవన్ తో పాటు షాలినీ పాండే కూడా ముఖ్య పాత్రలో నటిస్తున్నారు.
కోన వెంకట్‌ సమర్పణలో, హేమంత్‌ మధుకర్‌ దర్శకత్వంలో టీజీ విశ్వప్రసాద్‌ ఈ చిత్రాన్ని నిర్మిస్తున్నారు. ప‌లు భాష‌ల‌లో ఈ చిత్రాన్ని విడుదల చేసేందుకు ప్రయత్నాలు జరుగుతున్నాయి.
డిఫరెంట్‌ కాన్సెఫ్ట్‌తో ఈ చిత్రం ప్రేక్షకులని అలరించేలా ఉండబోతుందని ప్రిటీజర్‌ను చూస్తే తెలుస్తుంది. టీజర్‌లో మాధవన్ వయోలిన్‌ ప్లే చేయడం, అనుష్క చేతి వేళ్లు ఓ ముద్రను ప్రతిబింబిచేలా ఉంది. ఆ ముద్ర దేనికి సంకేతమో తెలవాలంటే పూర్తి టీజర్‌ను చూడవలసిందే. నవంబర్‌ 7 న అనుష్క పుట్టిన రోజు సందర్బంగా టీజర్‌ను విడుదల చేయబోనున్నారు. విలక్షణ సినిమాలు తీసే మాధవన్, అనుష్క భాగమతి చిత్రం తర్వాత నటిస్తున్న ఈ చిత్రం పై అంచనాలు ఎక్కువే ఉన్నాయి.