యంగ్‌ టైగర్‌ ఎన్టీఆర్‌, త్రివిక్రమ్‌ల కాంబినేషన్‌లో తెరకెక్కిన ‘అరవింద సమేత’ చిత్రం ఆడియో విడుదలపై గత కొన్ని రోజులుగా నెలకొన్న సస్పెన్స్‌కు తెర పడ్డట్లయ్యింది. ఈ చిత్రం ఆడియో విడుదల కార్యక్రమంను ఈనెల 20న నిర్వహించేందుకు ఏర్పాట్లు జరుగుతున్నట్లుగా సమాచారం అందుతుంది. అందుకు సంబంధించిన అధికారిక ప్రకటన కూడా వెలువడినది. మొన్నటి వరకు ఆడియో వేడుకకు ఆ గెస్ట్‌, ఈగెస్ట్‌ అంటూ వార్తలు వచ్చాయి, ఆ తర్వాత ఆడియో విడుదల కార్యక్రమం లేకుండా నేరుగానే పాటలను విడుదల చేయబోతున్నట్లుగా వార్తలు వచ్చాయి. కాని తాజాగా ఆడియో విడుదల తేదీ ప్రకటించడంతో పాటు, అధికారికంగా క్లారిటీ ఇచ్చిన కారణంగా ఫ్యాన్స్‌ సంతోషాన్ని వ్యక్తం చేస్తున్నారు.
అరవింద సమేత చిత్రంపై అంచనాలు భారీగా ఉన్నాయి. అంచనాలకు తగ్గట్లుగా ఈ చిత్రం ఉంటుందనే నమ్మకంతో సినీ వర్గాల వారు ఉన్నారు. ఇక నందమూరి అభిమానులు ఈ చిత్రం కోసం వెయి కళ్లతో ఎదురు చూస్తున్నారు. ప్రస్తుతం సినిమాకు సంబంధించిన పాట చిత్రీకరణ జరుపుతున్నారు. త్వరలోనే షూటింగ్‌ను పూర్తి చేసి దసరా కానుకగా ప్రేక్షకుల ముందుకు తీసుకు వచ్చే అవకాశం ఉంది. భారీ ఎత్తున ఈ చిత్రం విడుదల చేసేందుకు నిర్మాత ఏర్పాట్లు చేస్తున్నాడు. ఆడియో విడుదల కార్యక్రమంలో గెస్ట్‌ గురించి ప్రస్తుతం సోషల్‌ మీడియాలో చర్చ జరుగుతుంది. అందుకు సంబంధించిన గెస్ట్‌ ఎవరు అయ్యి ఉంటారు అంటూ అభిమానులు ఆలోచనల్లో ఉన్నారు.
