టాలెంటెడ్ డైరెక్టర్ చందూ మొండేటి దర్శకత్వంలో నాగ చైతన్య నటిస్తున్న తదుపరి మూవీ తండేల్. ఈ మూవీ లో సాయి పల్లవి హీరోయిన్ గా నటిస్తుంది. ఇటీవల ఇంటర్వ్యూలో, నటుడు రొమాంటిక్ డ్రామా గురించి కొన్ని ఆసక్తికరమైన విషయాలను కూడా వెల్లడించారు. ఇందులో దేశభక్తి కూడా ఉన్నది . పాక్ జలాల్లోకి వెళ్లి దాదాపు రెండేళ్లు జైల్లో ఉండి భారత్‌కి తిరిగి వచ్చిన రాజు నిజ జీవిత కథ ఆధారంగా ఈ మూవీ రూపొందిందని నాగ చైతన్య తెలిపారు.
ఈ పాత్ర కోసం తొమ్మిది నెలలు చైతూ వర్క్ చేసినట్లు కూడా తెలిపారు. ఇది చాలా స్ఫూర్తిదాయకమైన కథ. నేను ప్రతిదీ సరిగ్గా ఉండాలని అనుకుంటున్నాను. ముఖ్యంగా శ్రీకాకుళం యాస. నేను రాజు ఇంటికి వెళ్ళాను, మరియు అతని ధైర్యం మరియు సంకల్పం నన్ను బాగా ఆశ్చర్య పరిచింది. మత్స్యకారుల కష్టాలని అర్థం చేసుకోవడానికి నేను వారితో సమయం గడిపాను. ఇది నా కెరీర్‌లో అతిపెద్ద మూవీ , మరియు నాకు ఆ పాత్ర అవసరం. జీఏ2 పిక్చర్స్‌ బ్యానర్‌పై బన్నీ వాస్‌ ఈ మూవీ ని నిర్మిస్తున్నారు. ప్రముఖ నిర్మాత అల్లు అరవింద్ సమర్పకులు గా వ్యవహరిస్తున్నారు. రాక్ స్టార్ దేవి శ్రీ ప్రసాద్ సంగీతం అందిస్తున్న ఈ మూవీ ని డిసెంబర్ 20, 2024న విడుదల చేసేందుకు మేకర్స్ ప్లాన్ చేస్తున్నారు.
