‘పెళ్లి చూపులు’ ఫేం తరుణ్‌ భాస్కర్‌ దర్శకత్వంలో తెరకెక్కిన ‘ఈ నగరానికి ఏమైంది’ చిత్రం విడుదలకు సిద్దం అయ్యింది. భారీ అంచనాల నడుమ ఈ చిత్రాన్ని సురేష్‌బాబు నిర్మించిన విషయం తెల్సిందే. తరుణ్‌ భాస్కర్‌ మొదటి చిత్రం భారీ విజయాన్ని సొంతం చేసుకున్న నేపథ్యంలో ఈ చిత్రం కూడా తప్పకుండా ప్రేక్షకులను ఆకట్టుకుంటుందనే అభిప్రాయం వ్యక్తం అవుతుంది. ప్రస్తుతం సినిమాకు సంబంధించిన పోస్ట్‌ ప్రొడక్షన్‌ వర్క్‌ జరుపుకుంటుంది. భారీ ఎత్తున ఈ చిత్రాన్ని విడుదల చేసేందుకు రంగం సిద్దం అయ్యింది. ఇక ఈ చిత్రంతో పలువురు కొత్త వారు పరిచయం కాబోతున్నారు. సినిమాపై భారీ అంచనాలున్న నేపథ్యంలో అన్ని ఏరియాల్లో కూడా భారీ మొత్తానికి అమ్ముడు పోయింది.
సాదారణ ప్రేక్షకులతో పాటు సినీ సెలబ్రెటీలు కూడా ఈ చిత్రం కోసం ఎంతో ఆసక్తిగా ఎదురు చూస్తున్నారు. ‘ఈ నగరానికి ఏమైంది’ చిత్రం విభిన్నమైన కథాంశంతో, ఆకట్టుకునే కథనంతో దర్శకుడు తరుణ్‌ భాస్కర్‌ తెరకెక్కించి ఉంటాడు అంటూ ప్రచారం జరుగుతుంది. సినిమా పోస్ట్‌ ప్రొడక్షన్‌ వర్క్‌ శరవేగంగా జరుగుతుంది. ఈ వారంలోనే విడుదల కాబోతున్న ఈ చిత్రం ఓవర్సీస్‌లో వీకెండ్‌ సినిమా భారీ ఎత్తున విడుదలకు ప్లాన్‌ చేసింది. రేపు భారీ ఎత్తున అమెరికాలోని పలు నగరాల్లో ప్రత్యేక షోలు ఏర్పాటు చేసినట్లుగా సమాచారం అందుతుంది. ‘పెళ్లి చూపులు’ స్థాయిలో ఈ చిత్రం ఆకట్టుకుంటుందనే అభిప్రాయం వ్యక్తం అవుతుంది. షార్ట్‌ ఫిల్మ్‌ తీయాలని భావించిన నలుగురు కుర్రాళ్లు పడ్డ కష్టాలు, వారు ఎదుర్కొన్న ఇబ్బందులను దర్శకుడు సరదాగా చిత్రీకరించాడు అంటూ చిత్ర యూనిట్‌ సభ్యులు చెబుతున్నారు.
