హస్తం పార్టీకి గుడ్‌బై చెప్పేసిన కేంద్ర మాజీ మంత్రి అశ్వని కుమార్ ఆ పార్టీపై కీలక వ్యాఖ్యలు చేశారు. కాంగ్రెస్ పార్టీలో సరైన నాయకత్వం కరువైందని, ప్రజల్లో క్షీణించిందని విమర్శించారు. దేశ ప్రజలు ఆలోచనలకు తగ్గట్టుగా కాంగ్రెస్ చేతలు లేవని ఆరోపించారు. అలాగే పంజాబ్ సీఎం అభ్యర్థి విషయంలోనూ కాంగ్రెస్ సరైన నిర్ణయం తీసుకోలేదని ఆయన అన్నారు. ఎన్నడూ లేని విధంగా ప్రస్తుత నాయకత్వాన్ని ప్రోత్సహిస్తోందంటూ మండిపడ్డారు.
కాంగ్రెస్ పార్టీలోని అంతర్గత చర్యలు, స్ఫూర్తిదాయకమైన నాయకత్వం లేకపోవడం పార్టీని బలహీనపరిచాయని అశ్వని కుమార్ అన్నారు. దీనిపై దిద్దుబాటు చర్యలు కూడా లేవన్నారు. దీంతో పార్టీకి ప్రజల మద్దతు తగ్గిపోతుందని అన్నారు. ఏ రాజకీయ పార్టీ అయినా దేశ ప్రజల మనోభావాలను గుర్తించాలని, కాంగ్రెస్ పార్టీ ఆ పని చేయడం లేదని అసంతృప్తి వ్యక్తం చేశారు.
ఎంతో ఆలోచించే పార్టీకి రాజీనామా చేశానని, వేరే పార్టీలో చేరే ఉద్దేశం లేదని కూడా అశ్వని కుమార్ తేల్చి చెప్పారు. బీజేపీలో చేరుతున్నారనే ఊహాగానాలను ఆయన కొట్టి పడేశారు. ఇప్పటి వరకూ తాను ఏ బీజేపీ నేతలను కూడా కలుసుకోలేదని చెప్పారు. కాగా అశ్విని కుమార్ చేయగలనని రాజీనామా లెటర్‌లో తెలిపారు. అశ్వని కుమార్ 46 ఏళ్ల పార్టీలో ఉన్నారు. నాలుగు దశాబ్దాల్లో ఎన్నో పదవీ బాధ్యతలను నిర్వర్తించారు.