విజయ్‌ వరుసగా శ్రీముఖి, బాబా భాస్కర్‌, అలీ రెజా, శివ జ్యోతి, వరుణ్‌ లని వరుసగా కలుసుకుని షేర్‌ చేసుకున్న సీక్రెట్స్‌ ఎవరితో చెప్పనని మాటిచ్చాడు. కన్‌ఫెషన్‌ రూమ్‌లో కొచ్చిన ప్రతి కంటెస్టెంట్‌కు తలా ఒక బెలూన్‌ ఇస్తూ దానిలో రహస్యం ఉందని తెలిపాడు. రాహుల్‌ మాత్రం పునర్నవి తన చేయి కొరికిన సందర్భాన్ని చెప్పగా వేరే ఎవరు ఎవరూ రహస్యాలు పంచుకోలేదు.
హోస్ట్‌ నాగార్జున సీక్రెట్‌ బయటపెడ్తారని హౌజ్‌లోకి పంపించాకా, రహస్య భేటీ తర్వాత బిగ్‌బాస్‌ వేదికపై వచ్చి విజయ్‌ నాగార్జునను కలుసుకున్నాడు. మీకు మాత్రమే చెప్తా సినిమా టీం కూడా వచ్చి ప్రేక్షకులను అలరించారు. నవంబర్‌ 1న విడుదల అవనున్న మీకు మాత్రమే చెప్తా సినిమాని ఆదరించండని విజయ్‌ ప్రేక్షకులను కోరాడు.
ఎలిమినేషన్‌ ప్రక్రియలో కన్‌ఫెషన్‌ రూమ్‌లో ఇచ్చిన బెలూన్లను పగుల గొట్టాలని నాగార్జున చెప్పగా బెలూన్లలో ఎలాంటి విశేషం కన బడలేదు. కంటెస్టెంట్‌ వరుణ్‌ విజయ్‌ తనకిచ్చిన బెలూన్‌ ఎక్కడో మిస్‌ అయిందని చెప్పగా తర్వాత ఆ బెలూన్‌ను వెతికి తెప్పించిగా ఒక స్లిప్ కనబడింది. ఆ స్లిప్ లో వరుణ్‌ సేవ్‌ అయినట్టు ఉంది.
చివరలో అలీ రెజా, శివజ్యోతి లో ఎవరు సేవ్‌ ఎవరు ఎలిమినేట్‌ అనేది సస్పెన్స్‌ క్రియేట్‌ చేయగా చివరకి హౌజ్‌ నుంచి శివజ్యోతి ఎలిమినేట్‌ అయినట్టు నాగ్ ప్రకటించాడు.