క‌రోనా మహమ్మారి సమాజాన్ని అతలాకుతలం చేస్తుంది. ఇలాంటి సంక్షోభంలో నిరుపేద‌ల‌కి అండ‌గా నిలిచేందుకు సినీ సెల‌బ్రిటీలు ఇప్పటికే నడుం బిగించారు. కొంద‌రు విరాళాలు అందిస్తుండ‌గా.. మ‌రి కొంద‌రు నిత్యావ‌స‌రాలు అంద‌జేస్తున్నారు. తాజాగా శ్రియ తన వంతు సాయంగా నిరుపేదలకు అందించేందుకు ఓ సరికొత్త ఫండ్ రైజింగ్ ప్రోగ్రామ్ ప్రారంభించింది. ఆక‌లితో అల‌మ‌టిస్తున్న వారి ఆక‌లి తీర్చేందుకు ఓ స్వ‌చ్ఛంద సంస్థ‌తో క‌లిసి విరాళాలు సేక‌రిస్తుంది.
అదేమంటే.. @thekindnessproject.in లో కేవ‌లం రూ. 200 రూపాయలు చెల్లించి రిసిప్ట్‌ను మెయిల్ చేసి వివ‌రాలు న‌మోదు చేసుకోవాల్సిందిగా కోరింది. మే9వ తేదీ అంటే శ‌నివారం సాయంత్రం 8 గంట‌ల‌వ‌ర‌కు మీకు ఈ అవ‌కాశం ఉంది. ఆ తర్వాత ఆదివారం విజేత‌ల‌ను ప్ర‌క‌టిస్తామ‌ని వెల్లడించింది. అయితే లక్కీడ్రాలో విజేత‌లుగా నిలిచిన వారు (వీడియో కాల్ )లో త‌న‌తో క‌లిసి డ్యాన్స్, యోగా చేసే అవ‌కాశం పొందవ‌చ్చని శ్రియ పేర్కొంది. అంతేకాకుండా మీరిచ్చే విరాళాలన్నీ నిరుపేదలకు చేరుతాయ‌ని.. ఈ మంచి ప‌నిలో అంద‌రం భాగ‌స్వాములం అవుదామని శ్రియ ఇన్‌స్టాగ్రామ్ ద్వారా పిలుపునివ్వడం విశేషం.