మెగాస్టార్ చిరంజీవి హీరోగా యంగ్ దర్శకుడు వశిష్ట ‘విశ్వంభర’ అనే మూవీ ని తెరకెక్కిస్తున్న సంగతి తెలిసిందే. ఈ మూవీ లో హీరోయిన్ గా త్రిష నటిస్తుంది . ఐతే, ఈ మూవీ ఎంట్రీ సీన్ పై ఒక రూమర్ వినిపిస్తోంది. సృష్టి, స్థితి, లయ ఈ మూడింటి నేపథ్యంలో సాగే ఈ సోషియో ఫాంటసీ మూవీ ఓపెనింగ్ సీన్ ఒక దివిలో జరిగే యాక్షన్ ఎపిసోడ్ తో స్టార్ట్ అవుతుందని..మెగాస్టార్ చిరంజీవి వెరీ పవర్ ఫుల్ మ్యాన్ గా ఎంట్రీ ఇస్తారని టాక్ నడుస్తుంది .
అన్నట్టు ‘జగదేకవీరుడు అతిలోకసుందరి’ మూవీ లోని వినోదం, ‘హిట్లర్’ లోని సెంటిమెంట్ ఈ ఈ సోషియో ఫాంటసీ మూవీ లో కనిపిస్తాయని తెలుస్తోంది. కాగా రీసెంట్ గా ఈ క్రేజీ ప్రాజెక్ట్ గురించి దర్శకుడు వశిష్ట పలు ఇంట్రెస్టింగ్ కామెంట్స్ చేశాడు. ఈ మూవీ లో మెగాస్టార్ ని ఎలా చూడాలి అనుకుంటున్నారో.. ఆయన పాత్ర అలాగే ఉంటుంది అని, దానితో పాటుగా అద్భుతమైన ఫాంటసీ డ్రామా కూడా ఉంటుంది అని వశిష్ట చెప్పుకొచ్చాడు. UV క్రియేషన్స్ నిర్మిస్తున్న ఈ విశ్వంభర మూవీ కు కీరవాణి సంగీతాన్ని అందిస్తున్నారు. ఈ మూవీ జనవరి 10, 2025న విడుదల కాబోతుంది.
