అక్కినేని వారి యంగ్ అండ్ ఫైనెస్ట్ హీరో నాగ చైతన్య హీరోగా లేడీ పవర్ స్టార్ సాయి పల్లవి హీరోయిన్ గా టాలెంటెడ్ దర్శకుడు చందూ మోడిటీ కాంబినేషన్ లో చేస్తున్న భారీ మూవీ “తండేల్” కోసం అందరికీ తెలిసిందే. మరి ఈ మూవీ షూటింగ్ ఇప్పుడు శరవేగంగా కంప్లీట్ అవుతుండగా మరో పక్క రిలీజ్ కోసం కూడా అభిమానులు ఆసక్తిగా ఎదురు చూస్తున్నారు. అయితే ఇప్పుడు ఫైనల్ గా ఈ రిలీజ్ డేట్ పై స్ట్రాంగ్ బజ్ బయటకి వచ్చింది.
ఇది వరకు ఈ మూవీ అక్టోబర్ లో వస్తుంది అని వినిపించింది. కానీ సినీ వర్గాల లేటెస్ట్ సమాచారం ప్రకారం ఈ మూవీ ఈ ఏడాది డిసెంబర్ 20న రిలీజ్ కు తీసుకొస్తున్నట్టుగా తెలుస్తుంది. ఇక ఈ డేట్ పై అధికారిక క్లారిటీ కూడా అతి త్వరలోనే రానున్నట్టుగా సమాచారం. ఇక ఈ మూవీ కి దేవీశ్రీ ప్రసాద్ సంగీతం అందిస్తుండగా గీతా ఆర్ట్స్ 2 బ్యానర్ వారు భారీ వ్యయంతో ఈ మూవీ ని నిర్మాణం వహిస్తున్నారు.
