కరోనా వైరస్ లాక్ డౌన్ కారణంగా మద్యం షాపులు మూతబడ్డ విషయం తెలిసిందే. అయితే దాదాపు నలభై రోజుల నుంచి పరితపించిన మద్యం దొరికింది. ఆ ఆనందంలో ఏం చేస్తున్నాననే విచక్షణ కూడా మరిచిపోయాడో మందుబాబు. తాగిన మైకంలో దారిలో పోతున్న పామును పట్టుకుని కొరికి చంపి మెడలో ముడి వేసుకుని హల్‌చల్‌ చేశాడు. కర్నాటకలోని కోలారు జిల్లా ముళబాగిలు తాలూకాలోని ముష్టూరు గ్రామంలో ఓ తాగుబోతు చేసిన విచిత్ర విన్యాసం ఇప్పుడు వైరల్ గా మారింది.
అయితే సోమవారం ఫుల్లుగా తాగి బైక్‌పై వెళ్తున్నాడు. ఎదురుగా ఓ నాగు పాము కనిపించింది. అంతే వెంటనే బైక్‌ నుంచి దిగి పామును పట్టుకుని నోటితో కొరకడంతో అది ప్రాణాలు విడిచింది. దానిని మెడలో వేసుకుని మద్యం తాగుతూ ఉండగా కొందరు వీడియోలు తీశారు. ఆ వీడియోను కాస్తా యూట్యూబ్ లో అప్ లోడ్ చేశారు. అదిప్పుడు వైరల్ గా మారింది. ఈ ఘటనపై పోలీసులు అటవీశాఖ సిబ్బంది ఎలా స్పందిస్తారు అనేది చూడాలి.