ప్రజల అమాయకత్వాన్ని ఆసరాగా నకిలీ వైద్యుల గుట్టు రట్టు….

అయితే ఆ తర్వాత ఏమైందో ఏమో గానీ… అతను ఉన్నట్టుండి మాయమైపోయాడు. అదే ఆస్పత్రిలో మహేంద్ర అనే కర్ణాటకకు చెందిన మరో వ్యక్తి తాను ఎంబీబీఎస్‌ డాక్టర్‌నంటూ వైద్యం అందించడం, రోగులకు ఆరోగ్యాన్ని చూడటం మొదలు పెట్టాడు. అనుభవం, కనీస జ్ఞానం కూడా లేక నాడి కూడా చూడటం తెలియని మహేంద్ర సేవలపై స్థానికులకు అనుమానం వచ్చింది. దీంతో వెంటనే కొందరు రోగులు అధికారులకు ఫిర్యాదు చేశారు. దీంతో గంగవరం మండల వైద్యాధికారి శ్రీనివాసులు ఆదేశాల మేరకు పత్తికొండ పీహెచ్‌సీ వైద్యులు డాక్టర్‌ యుగంధర్‌ తాజాగా ఆ క్లినిక్‌ను తనిఖీ చేశారు. వైద్యుడుగా చెలామణి అవుతున్న మహేంద్ర అసలు డాక్టరే కాదని.. అతనికి ఏమాత్రం అనుభవం లేదని తేల్చేశారు. క్లినిక్‌లో ల్యాబ్, రోగులకు బెడ్లు, అక్కడే మందులు ఉండడాన్ని చూసి విస్తుపోయారు. వెంటనే క్లినిక్‌ను సీజ్‌ చేసి, అక్కడున్న బోర్డులను తొలగించారు. మహేంద్ర, శివకుమార్‌పై చర్యలకు ఉన్నతాధికారులకు నివేదిక సమర్పించినట్లు వివరించారు. అంతేకాకుండా ప్రజలు ఇలాంటి వారిని నమ్మకుండా ప్రభుత్వ ఆస్పత్రులకు రావాలని వైద్యాధికారులు వెల్లడించారు.