ఆంధ్రప్రదేశ్ లో లాక్ డౌన్ సమయంలో కూడా ఘోర ప్రమాదాలు చోటుచేసుకుంటున్నాయి. తాజాగా గుంటూరు జిల్లాలో రోడ్డు ప్రమాదం చోటుచేసుకుంది. ప్రమాదవశాత్తూ ట్రాక్టర్ బోల్తా పడి ఒకరు మృతి చెందాడు. పలువురికి తీవ్రగాయాలయ్యాయి. అయితే వ్యవసాయ కూలీలతో బయల్దేరిన ట్రాక్టర్ ప్రమాదవశాత్తూ బోల్తాపడి మహిళ మృతి చెందిన విషాద ఘటన గుంటూరు జిల్లాలో చోటుచేసుకుంది.
జిల్లాలోని కొల్లూరు మండలం దోనెపూడికి చెందిన వ్యవసాయ కూలీలు మొక్కజొన్న కోతల పనులకు ట్రాక్టర్‌లో బయల్దేరారు. మహిళా కూలీలతో వెళ్తున్న ట్రాక్టర్ గ్రామానికి సమీపంలోనే ప్రమాదానికి గురైంది. అదుపుతప్పి బోల్తా కొట్టింది.
అయితే ఒక్కసారిగా ట్రాక్టర్ తిరగబడడంతో దోనెపూడికే చెందిన మహిళా కూలీ బుజ్జి అక్కడికక్కడే మృతి చెందింది. మరో ముగ్గురు కూలీలకు తీవ్ర గాయాలయ్యాయి. కాగా వెంటనే గాయపడిన కూలీలను తెనాలి జిల్లా ప్రభుత్వ వైద్యశాలకు తరలించారు. ఈ ప్రమాదంతో గ్రామంలో విషాదఛాయలు అలుముకున్నాయి.