దేవర సీక్వెల్ తప్పకుండా వస్తుందని ఎన్టీఆర్ ఇప్పటికే స్పష్టంగా చెప్పారు. ‘దేవర పార్ట్-2’ షూట్ ఈ ఏడాది డిసెంబర్ నుండి మొదలవుతుందని కూడా టాక్ వినిపించింది. ఈ నేపథ్యంలో దర్శకుడు కొరటాల శివ మరియు బాలయ్య కాంబినేషన్ సెట్ అయిందని, పైగా దేవర 2 కంటే ముందే ఆ ప్రాజెక్ట్ స్టార్ట్ అవుతుందని వార్తలు వేగంగా వ్యాపించాయి.
అయితే తాజాగా ఆ వార్తలను పరిశ్రమ వర్గాలు తోసిపుచ్చాయి. కొరటాల శివ కచ్చితంగా ముందు ‘దేవర 2’ పూర్తి చేస్తారని, దానికి నిదర్శనంగా సీక్వెల్కు సంబంధించిన ప్రీ ప్రొడక్షన్ పనులు ఆల్రెడీ పూర్తయ్యాయని సమాచారం. ప్రస్తుతం మ్యూజిక్ వర్క్ కూడా జరుగుతున్నట్లు తెలుస్తోంది.
కొరటాల కథలో భారీ మార్పులు
దేవర పార్ట్-2 కథలో కొరటాల శివ పలు కీలకమైన మార్పులు చేసినట్లు తెలుస్తోంది. ముఖ్యంగా నార్త్ ఇండియా ప్రేక్షకులను ఆకట్టుకునేలా ప్రత్యేక శ్రద్ధ తీసుకున్నారట. జాన్వీ కపూర్ హీరోయిన్గా, సైఫ్ అలీ ఖాన్ విలన్గా నటిస్తున్న ఈ చిత్రంలో శ్రీకాంత్, ప్రకాష్ రాజ్, అజయ్, మురళీ శర్మ కీలక పాత్రలు పోషిస్తున్నారు. అనిరుద్ సంగీతం అందిస్తున్న ఈ సీక్వెల్పై అభిమానుల అంచనాలు అమితంగా ఉన్నాయి. మరి ఆ అంచనాలను దేవర 2 ఎంతవరకు అందుకుంటుందో చూడాల్సిందే.