విజయ్‌ దేవరకొండ, రష్మిక జంటగా తెరకెక్కిన ‘గీత గోవిందం’ చిత్రం భారీ వసూళ్లను నమోదు చేసిన విషయం తెల్సిందే. కేవలం 12 రోజుల్లో ఏకంగా 100 కోట్ల వసూళ్లను సాధించిన ఈ చిత్రం తాజాగా 25 రోజులను పూర్తి చేసుకుంది. ఈ చిత్రం ఇప్పటి వరకు 63 కోట్ల షేర్‌ను దక్కించుకుని టాలీవుడ్‌ టాప్‌ 15 చిత్రాల జాబితాలో చేరినట్లుగా ట్రేడ్‌ వర్గాల వారు అంటున్నారు. ఇక ఈ చిత్రం అరుదైన రికార్డును సొంతం చేసుకుంది. 403 థియేటర్లలో ఈ చిత్రం 25 రోజులు పూర్తి చేసుకోబోతుండటం ప్రస్తుతం చర్చనీయాంశం అవుతుంది. భారీ ఎత్తున ఈ చిత్రంను విడుదల చేయలేదు. అయితే విడుదలైన థియేటర్లలో అన్నింట్లో కూడా 25 రోజులను పూర్తి చేసుకోవడం ప్రస్తుతం రికార్డుగా చెబుతున్నారు.
తెలుగు రాష్ట్రాల్లో 302 థియేటర్లలో 25 రోజులు పూర్తి చేసుకున్న ఈ చిత్రం ఇతర రాష్ట్రాలు మరియు దేశాల్లో మొత్తం వంద థియేటర్లలో 25 రోజులు పూర్తి చేసుకునేందుకు సిద్దం అవుతుంది. శనివారం నాటికి ఈ చిత్రం 25 రోజులు పూర్తి చేసుకోనున్న నేపథ్యంలో భారీ ఎత్తున వేడుకలు నిర్వహించేందుకు చిత్ర యూనిట్‌ సభ్యులు ఏర్పాట్లు చేస్తున్నారు. 120 కోట్ల గ్రాస్‌ కలెక్షన్స్‌ను రాబట్టిన ఈ చిత్రం ఇంతటి వసూళ్లు సాధిస్తుందని కనీసం నిర్మాతలు కూడా ఊహించలేదు. విజయ్‌ దేవరకొండకు మాత్రమే ఈ రికార్డు సాధ్యం అయ్యింది. ఇటీవల కాలంలో ఏ ఒక్కరు కూడా 25 రోజులను ఇన్ని థియేటర్లలో పూర్తి చేసుకున్నది లేదు. స్టార్‌ హీరోల సినిమాలు కూడా ఈ రికార్డును సొంతం చేసుకోలేక పోతున్న సమయంలో విజయ్‌ దేవరకొండ మాత్రమే రికార్డు దక్కించుకున్నాడు.
