ఆర్థిక ఇబ్బందులు ఎదుర్కొంటున్నారా? పర్సనల్ లోన్ కోసం ట్రై చేస్తే లభించలేదా? దీంతో ఏం చేయాలో తెలియడం లేదా? అందుకని ఇంట్లో బంగారం తనఖా పెట్టి గోల్డ్ లోన్ పొందాలని భావిస్తున్నారా? అయితే మీకు తీపికబురు. బంగారంపై రుణం పొందే వారికి ఒక ఆఫర్ అందుబాటులో ఉంది.
ప్రముఖ ఎన్‌బీఎఫ్‌సీ సంస్థ ఇండెల్ మనీ తాజాగా బంగారంపై రుణం పొందే వారికి గుడ్ న్యూస్ అందించింది. తక్కువ వడ్డీ రేటుకే గోల్డ్ లోన్ పొందే వెసులుబాటు కల్పిస్తోంది. అయితే ఈ ఫెసిలిటీ అందరికీ అందుబాటులో ఉండదు. కేవలం కొంత మందికే వర్తిస్తుంది.
ఇండెల్ మనీ కరోనా వైరస్ ఇంజెక్షన్ వేయించుకున్న వారికి తక్కువ వడ్డీకే గోల్డ్ లోన్స్ అందిస్తోంది. ఒక డోస్ వేసుకున్నా కూడా ఈ ఆఫర్ పొందొచ్చు. వడ్డీ రేటు 11.5 శాతం నుంచి ప్రారంభమౌతోంది. ఇంకా జీరో ప్రాసెసింగ్ ఫీజు బెనిఫిట్ కూడా ఉంది.