సుధీర్ బాబు ముఖ్య పాత్రలో నటిస్తున్న కొత్త సినిమా హరోం హర. జ్ఞాన సాగర్ ద్వారక దర్శకత్వం వహించిన ఈ సినిమా జూన్ 14, 2024న రిలీజ్ కాబోతుంది. ఐతే, రేపు ఉదయం 11:25 గంటల సమయానికి సూపర్ స్టార్ మహేష్ బాబు థియేట్రికల్ ట్రైలర్‌ను విడుదల చేస్తారని ఈరోజు మేకర్స్ సోషల్ మీడియాలో అధికారికంగా తెలిపారు . సినిమాపై అంచనాలు పెరగాలంటే ట్రైలర్ ఆకట్టుకునేలా ఉండాలి. మరి ట్రైలర్ ఎలా ఉంటుందో చూడాలి.
మాళవిక శర్మ కథానాయికగా నటిస్తున్న ఈ సినిమా లో సునీల్, జయ ప్రకాష్, అక్షర, అర్జున్ గౌడ్, లక్కీ లక్ష్మణ్, రవి కాలే తదితరులు నటించారు. ఈ సినిమాకి చైతన్ భరద్వాజ్ సంగీతం అందిస్తున్నారు. సుమంత్ జీ. నాయుడు నిర్మిస్తున్న ఈ సినిమా కోసం ఆడియెన్స్ ఎంతగానో ఎదురు చూస్తున్నారు.
