హీరోగా నటించిన ‘నోటా’ చిత్రం విడుదలకు సిద్దంగా ఉంది. రేపు ఈ చిత్రాన్ని విడుదల చేసేందుకు చిత్ర యూనిట్‌ సభ్యులు ప్లాన్‌ చేశారు. తెలుగు రాష్ట్రాలు మరియు తమిళనాడులో ఈ చిత్రంను విడుదల చేయబోతున్నారు. ప్రస్తుతం సినిమాకు సంబంధించిన ప్రమోషన్‌ కార్యక్రమాల్లో చిత్ర యూనిట్‌ సభ్యులు బిజీగా ఉన్నారు. ఈ సమయంలోనే చిత్రంపై కాంగ్రెస్‌ నాయకులు కోర్టును ఆశ్రయించారు. కోర్టులో పిటీషన్‌ దాఖు చేయడంతో చిత్ర యూనిట్‌ సభ్యులు టెన్షన్‌ పడుతున్నారు.
తెలంగాణ రాష్ట్రంలో ప్రస్తుతం ఎన్నికల కోడ్‌ అమలులో ఉన్న కారణంగా ఒక పార్టీకి అనుకూలంగా లేదా రాజకీయాలను ప్రభావితం చేసే విధంగా, ఓటర్లను ప్రభావితం చేసే విధంగా ఈ చిత్రం ఉండబోతున్న కారణంగా సినిమాను నిలిపేయాలంటూ పిటీషన్‌ దాఖలు చేయడం జరిగింది. ఈ పిటీషన్‌పై నేడు హైకోర్టులో విచారణ జరిగే అవకాశం ఉంది. పిటీషన్‌ విచారణ సందర్బంగా ఎలాంటి సంచలన తీర్పు వస్తుందో అంటూ అంతా ఆసక్తిగా ఎదురు చూస్తున్నారు. నోటా చిత్రం విడుదల ఆగిపోయేనా అంటూ ఆందోళన వ్యక్తం అవుతుంది.
