కార్తికేయ, పాయల్‌ రాజ్‌ పూత్‌ జంటగా అజయ్‌ భూపతి దర్శకత్వంలో తెరకెక్కిన ‘ఆర్‌ఎక్స్‌ 100’ చిత్రం ఎంతటి సంచలన విజయాన్ని సొంతం చేసుకుందో ప్రత్యేకంగా చెప్పనక్కర్లేదు. కేవలం రెండు కోట్ల బడ్జెట్‌తో రూపొందిన ఆ చిత్రం 20 కోట్ల వరకు వసూళ్లను రాబట్టింది. దానికి తోడు ఈ చిత్రం అన్ని భాషల్లో భారీ మొత్తానికి అమ్ముడు పోతుంది. ఇప్పటికే తమిళం మరియు మలయాళంలో దాదాపు 50 లక్షల చొప్పున అమ్ముడు పోయిన ఈ చిత్రం హిందీ రీమేక్‌ రైట్స్‌తో భారీ మొత్తంను దక్కించుకున్నట్లుగా సమాచారం అందుతుంది.
వర్మ మెచ్చిన సినిమా అవ్వడంతో ఆయన రికమండేషన్‌తో ప్రముఖ నిర్మాణ సంస్థ ఈ చిత్ర రీమేక్‌ రైట్స్‌ను కొనుగోలు చేసేందుకు ముందుకు వచ్చింది. ఈ చిత్రం దాదాపుగా 1.6 కోట్లకు అమ్ముడు పోయినట్లుగా తెలుస్తోంది. హిందీలో ఈ చిత్రం రీమేక్‌కు ఏర్పాట్లు జరుగుతున్నాయి. ఇప్పటికే తమిళంలో ఆది పినిశెట్టి హీరోగా రీమేక్‌ మొదలు అయ్యింది. మలయాళంలో కూడా ప్రీ ప్రొడక్షన్‌ వర్క్‌ జరుపుకుంటుంది. త్వరలోనే హిందీలో కూడా ఈ రీమేక్‌ పట్టాలెక్కే అవకాశం ఉంది. మొత్తానికి రీమేక్‌ రైట్స్‌ ద్వారా సినిమా బడ్జెట్‌ కంటే ఎక్కువగా నిర్మాత దక్కించుకున్నాడు. అంటే వచ్చిన కలెక్షన్స్‌ అన్నీ కూడా లాభాలే. చిన్న చిత్రంతో సంచలన విజయాన్ని దక్కించుకున్న నిర్మాతకు లాభాలే లాభాలు.
