ప్రతి ఒక్కరు కూడా ఆరోగ్యకరమైన పద్ధతులు పాటించాలి. మంచి ఆరోగ్యకరమైన ఆహారం తీసుకోవటం, మంచి జీవన విధానాన్ని పాటించడం వలన ఆరోగ్యంగా ఉండొచ్చు. ఈ మధ్య కాలంలో ప్రతి ఒక్కరి ఆరోగ్యానికి ప్రాధాన్యత ఇస్తున్నారు. ముఖ్యంగా మహమ్మారి తర్వాత ఆరోగ్యంగా ఉండాలని అనేక మంది వివిధ రకాల పద్ధతులని పాటిస్తున్నారు. రోగ నిరోధక శక్తిని పెంపొందించుకోవడంతో పాటు విటమిన్స్, మినరల్స్ ఉండే పోషక పదార్థాలు తీసుకోవడం.. యోగా, మెడిటేషన్ వంటి వాటిని పాటించడం ఇలా ఎవరికి నచ్చిన విధంగా వాళ్లు అనుసరిస్తున్నారు.
ప్రతి రోజు టీ ని చాలా మంది ఎక్కువగా తాగుతూ ఉంటారు. టీలో polyphenolic ఫ్లేవనోయిడ్స్ ఉంటాయి. ఇది చాలా మంచిది. కావాలంటే సాధారణంగా తాగే టీ కంటే కూడా మనం వివిధ రకాల టీ రెసిపీస్ ని తయారు చేసుకొని కూడా తీసుకోవచ్చు. అల్లం టీ, పెప్పెర్మెంట్ టీ మొదలైనవి ఇలా చేయడం వల్ల బోర్ కొట్టకుండా రెగ్యులర్‌గా తీసుకోవడానికి వీలవుతుంది.
ఫ్లెవనాయిడ్స్ ఆరోగ్యానికి చాలా మంచిది. ముఖ్యంగా బీపిని సరిగ్గా ఉంచుతుంది. అయితే ఫ్లెవనాయిడ్స్ ఎక్కువగా ఉండే ఆహార పదార్థాలు తీసుకుంటే గుండె ఆరోగ్యానికి కూడా మంచిది. అయితే మరి ఇక ఆలస్యం ఎందుకు ఫ్లవనోయిడ్స్ ఎక్కువగా ఎందులో ఉంటుంది అనే దాని గురించి ఇప్పుడు మనం చూద్దాం.
ఆపిల్స్ కూడా ఆరోగ్యానికి చాలా మంచిది. ఇందులో మూడు రకాల ఫ్లేవనోయిడ్స్ ఉంటాయి. బీపీని రెగ్యులేట్ చేస్తుంది. అదే విధంగా ఆరోగ్యానికి కూడా మేలు చేస్తుంది. మామూలుగా ఆపిల్ పండ్లను మనం కట్ చేసుకుని తినచ్చు లేదు అంటే ఆపిల్ తో ఫ్రూట్ సలాడ్ వంటివి తయారు చేసుకుని తినొచ్చు.100 గ్రాములు కమలా లో 19.6 మిల్లీ గ్రాముల ఫ్లెవనాయిడ్స్ ఉంటాయి. రోజూ కమల రసం తీసుకుని తాగితే ఆరోగ్యానికి చాలా మేలు కలుగుతుంది. గుండె ఆరోగ్యానికి కూడా ఇది చాలా మేలు చేస్తుంది.
స్ట్రాబెర్రీ ఎంతో రుచిగా ఉంటుంది. చాలా మంది తినడానికి ఇష్ట పడతారు. దీనిలో వివిధ రకాల ఫ్లెవనాయిడ్స్ మనకి లభిస్తాయి. బిపిని తగ్గించడంలో ఇవి సహాయ పడతాయి. అదే విధంగా స్ట్రాబెర్రీలు తో మనము చాలా రకాల రెసిపీస్ తయారు చేసుకో వచ్చు. కాబట్టి ఇలా కూడా మీరు ఫాలో అవ్వండి. దీనిలో anthocyanin, catechin, quercetin, kaempferol ఫ్లెవనాయిడ్స్ మనకి లభిస్తాయి.కాలే ఒక ఆకు కూర. దీనిలో కూడా ఫ్లేవనాయిడ్స్ సమృద్ధిగా ఉంటాయి. ఇవి కూడా ఆరోగ్యానికి ఎంతో మేలు చేస్తుంది.
మనం సాధారణంగా వంటల్లో ఉల్లిపాయని వాడుతూ ఉంటాం. ఉల్లిపాయని కూర, పులుసు, సాంబార్ మొదలైన రెసిపీస్ లో మనం వాడుతూనే ఉంటాం. బ్లడ్ ప్రెషర్ తగ్గించడానికి ఉల్లిపాయ కూడా బాగా ఉపయోగ పడుతుంది. కావాలంటే ఉల్లిపాయతో మనము కబాబ్స్ వంటివి తయారు చేసుకో వచ్చు. అదే విధంగా సూప్ కూడా మనం చేసుకో వచ్చు. anthocyanins, flavonols దీనిలో ఉంటాయి.
ఎర్ర క్యాబిజీ లో కూడా సమృద్ధిగా ఉంటాయి. అలాగే ఇందులో యాంటీ ఆక్సిడెంట్స్ కూడా సమృద్ధిగా ఉంటాయి. ఎర్ర క్యాబేజీ తో కూడా మనం వివిధ రకాల రిసిపీస్ లో తయారు చేసుకో వచ్చు. గుండె సంబంధిత సమస్యలకు ఇది చెక్ పెడుతుంది. అదే విధంగా బీపీని తగ్గిస్తుంది. ఇలా ఎర్ర క్యాబేజీ తో కూడా మనం చక్కటి ప్రయోజనాలు పొందవచ్చు.