బాలీవుడ్ స్టార్ యాక్టర్ హృతిక్ రోషన్ హీరోగా దీపికా పదుకొనె హీరోయిన్ గా సిద్దార్ధ ఆనంద్ దర్శకత్వంలో తెరకెక్కిన లేటెస్ట్ ఏరియల్ యాక్షన్ ఎంటర్టైనర్ సినిమా ఫైటర్. ఈ సినిమా లో అనిల్ కపూర్, కరణ్ సింగ్ గ్రోవర్, అక్షయ్ ఒబేరాయ్, సంజీదా షేఖ్ తదితరులు కీలక పాత్రలు చేయగా వయాకామ్ 18 స్టూడియోస్, మార్ ఫ్లిక్స్ పిక్చర్స్ సంస్థలు గ్రాండ్ లెవెల్లో రూపొందించాయి.
ఈ సినిమా ఇటీవల ఆడియన్స్ ముందుకి వచ్చి ప్రస్తుతం ఇంకా బాక్సాఫీస్ వద్ద మంచి కలెక్షన్ తో కొనసాగుతోంది. తాజాగా ఫైటర్ సినిమా వరల్డ్ వైడ్ గా రూ. 352 కోట్ల మార్క్ చేరుకుందని మేకర్స్ ఒక పోస్టర్ ద్వారా అనౌన్స్ చేసారు. కాగా ఇందులో ఇండియా నుండి రూ. 253 కోట్లు అలానే ఓవర్సీస్ నుండి 99 కోట్లకు పైగా వసూలు అయింది. ఇక నార్త్ అమెరికాలో ఈ సినిమా హృతిక్ రోషన్ కెరీర్ హైయెస్ట్ గ్రాసర్ గా నిలిచింది. విశాల్ శేఖర్ సంగీతం అందించిన ఈ సినిమా కి సచ్చిత్ పాలోస్ ఫోటోగ్రఫి అందించారు.
