యువ బాలీవుడ్ సింగర్ శివానీ భాటియా (24) రోడ్డు ప్రమాదంలో మృతి చెందారు. తన భర్త నిఖిల్‌తో కలిసి ప్ర‌యాణిస్తున్న కారు ఢిల్లీ యమునా ఎక్స్‌ప్రెస్ హైవేపై బోల్తా ప‌డ‌డంతో ఇద్ద‌రికి తీవ్ర‌గాయాలు అయ్యాయి. వెంట‌నే వారిద్ధ‌రిని మధురలోని నివాస్ ఆస్పత్రికి తరలించారు. చికిత్స పొందుతూ శివానీ భాటియా మృతి చెంద‌గా, ఆమె భర్త నిఖిల్ పరిస్థితి కూడా విష‌మంగానే ఉంద‌ని అంటున్నారు. ప్ర‌మాదం జ‌రిగిన స‌మ‌యంలో నిఖిల్ డ్రైవింగ్ చేసిన‌ట్టు పోలీసులు చెబుతున్నారు. సోమవారం ఉదయం ఆగ్రాలో ఓ ఫంక్షన్‌కు హాజరయ్యేందుకు శివానీ తన భర్త నిఖిల్ భాటియాతో కలిసి కారులో బయల్దేరారు. ఉత్తరప్రదేశ్‌ లోని మధుర జిల్లాలో యమునా ఎక్స్‌ ప్రెస్ హైవే 89 వ మైలురాయి దగ్గర శివానీ భర్త ఓ కారును ఓవర్ టేక్ చేయబోయాడు. ఓవర్ టేక్ చేయబోయే ప్రయత్నంలో వీరి కారు అదుపు తప్పి పల్టీలు కొట్టింది. ఈ ప్రమాదంలో శివానీ కూర్చొన్న వైపు కారు పూర్తిగా ధ్వంసమయ్యింది.
ప్రమాదాన్ని గమనించిన స్థానికులు దంపతులిద్దర్ని స్థానికంగా ఉన్న ఆస్పత్రికి తరలించారు. ఇద్దరి పరిస్థితి ఆందోనళకరంగా ఉండటంతో అక్కడి నుంచి మధురలోని నియాస్ ఆస్పత్రికి తరలించారు. అక్కడ చికిత్సపొందుతూ శివానీ కన్నుమూసింది. ఆమె భర్తకు వైద్యులు చికిత్స అందిస్తున్నారు. బీహార్‌కు చెందిన శివానీ భాటియా పాప్ సింగర్గా పేరు తెచ్చుకున్నారు. ఢిల్లీతో పాటూ చాలా చోట్ల స్టేజ్ షోస్ చేసి.. తన పాటలతో ఫ్యాన్స్ ఫాలోయింగ్‌ను పెంచుకున్నారు. తర్వాత నిఖిల్ భాటియాను వివాహం చేసుకొని గ్రేటర్ నోయిడాలోని పామ్ ఒలింపియాలో నివాసం ఉంటున్నారు. శివానీ మృతికి సినీ ప్రముఖులు సంతపాన్ని తెలిపారు. రీమిక్స్‌, పాప్ సింగర్గా శివానీ సుపరిచితం. ఆమె మృతికి బాలీవుడ్ ప్రముఖులు సంతాపం ప్ర‌క‌టించారు.
