కాఫీని మనలో చాలామంది ఇష్టంగా తాగుతుంటారు. కొంత మందికైతే కాఫీ లేకపోతే తల పట్టేయడం, ఏమీ తోచకపోవడం జరుగుతుంది. అంతలా కాఫీకి అడిక్ట్ అవుతారు. వారు ఎలాంటి పరిస్థితుల్లో ఉన్నా కాఫీ తాగేందుకే చూస్తారు. కాఫీని తాగితేనే వారి మనసు శాంతిస్తుంది. కాఫీ తాగకపోతే వారేదో కోల్పోయినట్లు ఉంటారు. అందుకని అలాంటి వారు కాఫీ మస్ట్గా తాగుతూ ఉంటారు.కాఫీని బ్రిటీష్ వారు మన దేశంలో ప్రవేశపెట్టారు. భారతీయులు మొదట సరదా కోసం కాఫీ తాగడం మొదలుపెట్టి క్రమంగా కాఫీకి బానిసలుగా మారారు. సమయానికి కాఫీ తాగకపోతే అసలు ఏ పని చేయలేరు.
కొంతమందైతే ఏకంగా కాఫీ కోసం ఎంతటి స్థితికైనా దిగజారేలా ప్రవర్తిస్తున్నారు. ప్రస్తుతం మన దేశంలో తీసుకుంటే అనేక ప్రాంతాల్లో కాఫీ తోటలు విరివిగా ఉన్నాయి. అనేక రకాల కార్పొరేటు కంపెనీలు కాఫీ పొడిని తయారు చేసి అమ్ముతున్నాయి. కాఫీకి పేరు మోసిన హోటళ్లలో మంచి డిమాండ్ ఉంది. ప్రస్తుతం కొన్ని పెద్ద హోటళ్లలో ఫిల్టర్ కాఫీ, కోల్డ్ కాఫీ అనే వెరైటీలను కూడా అమ్ముతున్నారు. హోటల్ రేంజ్‌ను బట్టి అక్కడ అమ్మే కాఫీ ధర నిర్ణయించబడుతుంది. కాఫీని సామాన్యుల నుంచి సంపన్నుల వరకు చాలా మంది ఇష్టంగా తాగుతారు. వివిధ రకాల ధరల్లో కాఫీ లభిస్తుంది. కావున పేదవారు కూడా ఇబ్బంది లేకుండా కొనుక్కోగలుగుతారు.
కొంత మందేమో కానీ కొంత మంది కాఫీ తాగడం చూసి వామ్మో! అనక మానరు. అలా అతిగా కాఫీ తాగడం ఆరోగ్యానికి మంచిదేనా? అనే విషయం గురించి ప్రతి ఒక్కరూ ఆలోచిస్తుంటారు. ఎక్కువగా కాఫీ తాగే వారితో ఎలాగైనా సరే కాఫీని మాన్పించాలని వారి శ్రేయోభిలాషులు చూస్తూ ఉంటారు. అందుకోసం అనేక మార్గాలను అన్వేషిస్తారు. అసలు కాఫీని తీసుకోవడం గురించి న్యూట్రీషియనిస్ట్ ఏం చెప్పారంటే..వేరే ఇతర పదార్థాల వలె కాఫీని కూడా కొన్ని ప్రత్యేక పరిస్థితుల్లో ఆచితూచి తీసుకోవాలి. కొన్నిసార్లు కాఫీ మన శరీరానికి పడట్లేదని తెలిసినపుడు కాఫీని తాగకపోవడమే మేలని ప్రముఖ న్యూట్రిషనిస్ట్ ఒకరు చెప్పారు.
వేడి వేడి కాఫీని తాగడం వలన మనసు ఉల్లాసంగా ఉంటుందని చాలా మంది చెబుతారు. చేసే ఎటువంటి పనిలోనైనా ఉత్తేజం వస్తుందని పేర్కొంటారు. ఇది నిజమే అయినప్పటికీ కొన్ని సార్లు మన బాడీకి కాఫీ పడనపుడు తీసుకోకపోవడమే ఉత్తమం అని డాక్టర్లు సూచిస్తున్నారు.అన్ని సీజన్లలో కంటే రెయినీ (వర్షాకాలం) సీజన్లో వేడి, వేడి కాఫీ అనేది మనసులను ఉల్లాసవంతంగా చేస్తుంది. శరీర ఉష్ణోగ్రతలను వేడిగా ఉంచుతుంది. ఉదయం పూట వేడి, వేడి కాఫీ తాగితేనే కొంతమందికి రోజు మొదలవుతుంది. వారు ఆ రోజులో ఎటువంటి పనులనైనా చక్కబెడతారు. ఒకవేళ కాఫీ లేకపోతే వారు ఏదో కోల్పోయినట్లు డల్గా ఉంటారు. కాఫీని తీసుకోవడం వలన తాజా అనుభూతిని చెందుతారు.
కాఫీ వల్ల మనసు ఉల్లాసంగా అయి ఫ్రెష్గా ఉంటామని చాలా మంది చెప్పినా కూడా కాఫీని అతిగా తాగడం అంత శ్రేయస్కరం కాదని అనేక మంది న్యూట్రీషనిస్టులు చెబుతున్నారు. కాఫీ తాగే ముందు మన పరిస్థితులు ఒక్క సారి అర్థం చేసుకుని వ్యవహరించాలని చెబుతున్నారు. మన శరీరానికి హాని చేసే అనేక రకాల కారకాలు కాఫీలో ఉంటాయట. కావున కొన్ని పరిస్థితుల్లో కాఫీని తాగకుండా పూర్తిగా మానుకోవడం చాలా ఉత్తమం అని డాక్టర్లు చెబుతున్నారు. మనసు కాఫీకి అలవాటు పడ్డవారు అంత ఈజీగా కాఫీని మానడం కష్టమవుతుందనే విషయం గురించి అందరికీ తెలుసు. కానీ మన ఆరోగ్యాన్ని దృష్టిలో ఉంచుకుని కాఫీని అతిగా తీసుకోవడం తగ్గించాలి.
కొన్ని పరిస్థితుల్లో అసలు కాఫీని మొత్తానికే తీసుకోవడం ఆపేస్తే బెటర్గా ఉంటుందనేది డాక్టర్ల మాట.మనలో కొంత మందిలో చూసుకున్నట్లయితే రోగ నిరోధక శక్తి చాలా తక్కువగా ఉంటుంది. అలాంటి వారు చాలా సులువుగా వ్యాధుల బారిన పడతారు. అలాంటి వారు కాఫీని తీసుకోకపోవడమే మంచిదట. వారు కాఫీని తీసుకోవడం వలన వారి రోగ నిరోధక శక్తి ఇంకా తగ్గిపోయే ప్రమాదం ఉందని డాక్టర్లు హెచ్చరిస్తున్నారు.అసలు కాఫీని చాలామంది రోజులో చాలా సార్లు తాగుతూ ఉంటారు. ఎటువంటి సమయంలో కాఫీని తాగాలి? అనే దానిపై కూడా కొంత మందిలో సందేహాలుంటాయి. ఈ ప్రశ్నపై న్యూట్రిషనిస్ట్ ఏం చెప్పారంటే… మధ్యాహ్నం 3 గంటల తర్వాత కాఫీని తీసుకోవడం మన ఆరోగ్యానికి అంత మంచిదని కాదని వివరించారు.
కానీ మనలో చాలా మంది రోజులో ఇష్టం వచ్చినపుడు కాఫీని తాగుతూ ఉంటారు. అనారోగ్యం కొని తెచ్చుకుంటారు. అంతే కాకుండా కొంత మందికి కాఫీ తాగిన తర్వాత సరిగ్గా నిద్ర పట్టదు. అలాంటి వారిలో కాఫీని జీర్ణం చేసే ప్రక్రియలో ఏదో ప్రాబ్లం ఉందని గ్రహించాలి. మరియు రోజుకు ఎన్ని సార్లు కాఫీ తాగేలనే విషయం కూడా అనేక మందిని కలవరపెడుతుంది. డాక్టర్లు సూచించినదాని ప్రకారం రోజుకు 2నుంచి 3 కప్పుల కాఫీని (కెఫీన్ పరిమాణంపై ఆధారపడి) యావరేజ్ గా తీసుకుంటే ఆరోగ్యానికి మంచిదట. కానీ మనలో చాలా మంది కాఫీని రోజులో చాలా సార్లు తాగుతూ ఉంటారు.కాఫీ కనుక మన శరీరానికి పడకపోతే కాఫీ తాగడం పూర్తిగా మానేయడమే ఉత్తమం అని డాక్టర్లు సూచిస్తున్నారు. ఎటువంటి సందర్భాల్లో కాఫీని పూర్తిగా మానేయాలనే దానిపై ప్రముఖ న్యూట్రిషనిస్ట్ ఒకరు వివరణ ఇచ్చారు.
వారు చెప్పిన దాని ప్రకారం గర్భవతులు, బాలింతలు(చిన్న పిల్లలకు పాలిచ్చే తల్లులు) కాఫీని తాగకపోవడమే మంచిదని డాక్టర్సూచించారు. ఇటువంటి వారికి ఏవైనా సందేహాలుంటే వారి ఫ్యామిలీ డాక్టర్ ను సంప్రదించి నిర్ణయం తీసుకోవడం మంచిది.మనలో చాలా మంది చేసే తప్పు ఒకటి ఉంది. అదే ఖాళీ కడుపుతో ఉన్నపుడు కాఫీని తాగడం. కాఫీ అనేది కేవలం ఒక వేడి పదార్థం మాత్రమే అని మనం గుర్తుంచుకోవాలి. కాఫీని తాగడం వలన మనకు కడుపు నిండదనే విషయాన్ని గుర్తుంచుకోవాలి. కావున కాఫీని ఖాళీ కడుపుతో తాగకూడదు.మనలో కొంత మంది ఎసిడిటీతో బాధపడుతుంటారు. అలాంటి వారు కాఫీని తీసుకోకపోవడమే మంచిది.
ఒక వేళ వారికి మరీ అంతలా కాఫీని తాగాలని అనిపిస్తే వారు డెకాఫ్ కాఫీని తీసుకోవడం ఉత్తమం.మీరు కనుక ఆందోళనగా (ఆంక్సైటీ) ఉంటే అటువంటి సమయాల్లో అన్ని రకాల కెఫీన్ ఉన్న పానీయాలను తీసుకోకపోవడమే ఉత్తమం. ఇటువంటి సమయంలో మీరు తాగేందుకు డెకాఫ్ను ఎంచుకోవడం ఉత్తమమైన మార్గం అని డాక్టర్ సూచించారు.కెఫీన్ ఉన్న పదార్థాలు ఎప్పటికైనా మన శరీరానికి హానిని తలపెడతాయి. కావున కెఫీన్ ఉన్న పానీయాలు కానీ ఆహార పదార్థాలను కానీ ఎక్కువగా తీసుకోవడం మన ఆరోగ్యానికి మంచిది కాదు. డాక్టర్ చెప్పిన దాని ప్రకారం రోజుకు గరిష్టంగా 400 మిల్లీ. గ్రాముల కెఫీన్ ఉన్న పదార్థాలను మాత్రమే తీసుకోవాలి.
అలా చేస్తే మన బాడీలో ఎటువంటి ఆరోగ్య సమస్యలు ఉత్పన్నం కావు. కేవలం మీరు కాఫీ మాత్రమే తాగినట్లయితే రోజుకు సగటున 2 నుంచి 3 కప్పుల వరకు మాత్రమే తీసుకోవాలని డాక్టర్లు చెబుతున్నారు. కాఫీ మాత్రమే కాకుండా మీరు ఇంకా వేరే కెఫీన్ ఉన్న ఆహార పదార్థాలు, పానీయాలు తీసుకుంటున్నపుడు కాఫీని తగ్గించాలి. ఎటు చేసి రోజుకు సగటున మన బాడీలోకి కేవలం 400 మిల్లీ గ్రాముల కెఫీన్ మాత్రమే వెళ్లాలి. అంత కన్నా తక్కువ పరిమాణంలో తీసుకున్నా వచ్చే నష్టం ఏమీ లేదు కానీ పరిమాణం పెరిగితేనే మనలో ఆరోగ్య సమస్యలు పుట్టుకొస్తాయి. ఆరోగ్యంగా ఉండేందుకు కాఫీని మితంగా తాగడమే మంచిది.