టాలీవుడ్ క్రియేటివ్ డైరెక్టర్ సుకుమార్, మ్యూజిక్ మాస్ట్రో దేవిశ్రీ ప్రసాద్ మధ్య ‘పుష్ప–2’ సమయంలో స్వల్ప దూరం ఏర్పడిందన్న టాక్ ఇప్పటికే తెలిసిందే. దీనికి తోడు దేవిశ్రీ స్వయంగా హీరోగా కొత్త ప్రయాణం మొదలుపెడుతుండటంతో, రామ్ చరణ్ (Ram Charan)తో సుకుమార్ చేయబోయే నెక్ట్స్ ప్రాజెక్ట్కు కొత్త మ్యూజిక్ డైరెక్టర్ వస్తాడనే ప్రచారం సోషల్ మీడియాలో ఊపందుకుంది.
అయితే ప్రస్తుతం చరణ్–సుకుమార్ సినిమాకు సంబంధించిన కథా ఆలోచన మాత్రమే ఫిక్స్ అయిందని, పూర్తి స్క్రిప్ట్ ఇంకా రెడీ కాలేదని సమాచారం. స్క్రిప్ట్ పూర్తిగా లాక్ అయ్యేందుకు మరికొన్ని నెలలు పట్టే అవకాశం ఉంది. ఆ దశలోనే కథ టోన్, కాన్సెప్ట్కు తగ్గట్టుగా దేవిశ్రీ ప్రసాద్ను కొనసాగించాలా లేదా అన్న విషయంలో సుకుమార్ ఫైనల్ కాల్ తీసుకోనున్నారని ఇండస్ట్రీ వర్గాలు చెబుతున్నాయి. ఇప్పటివరకు మాత్రం ఇది ఊహాగానాల దశలోనే ఉందని చెప్పాలి.