బాహుబలి చిత్రం తర్వాత ప్రభాస్ రేంజ్ అమాంతం పెరిగిపోయింది. అందుకేనేమో సాహో చిత్రం పాన్ ఇండియా మూవీ గా చాల హైప్ క్రియేట్ చేసుకుంది. సినిమా ఫలితం ఎలా ఉన్నా, ఆ చిత్రానికి ఏర్పడ్డ బజ్ అంతా ఇంతా కాదు. ప్రభాస్ నాగ్ అశ్విన్ దర్శకత్వంలో సినిమా చేసేందుకు గ్రీన్ సిగ్నల్ ఇచ్చిన సంగతి అందరికి తెలిసిందే. అయితే ఈ చిత్రంలో ప్రభాస్ హీరోయిన్ గా కత్రినా కైఫ్ ని సూచించాడట. భారీ బడ్జెట్ తో తెరకెక్కనున్న ఈ చిత్రం ప్రపంచవ్యాప్తంగా విడుదల కానుంది.
అయితే గతంలో సాహో చిత్రానికి కత్రినా కైఫ్ ని అనుకున్నప్పటికీ డేట్లు సర్దుబాటు చేయలేక పోయింది. అయితే శ్రద్దా కపూర్ అనుకోకుండా ప్రభాస్ పక్కన నటించే అవకాశాన్ని దక్కించుకుంది. అయితే ప్రభాస్ సాహో మరియు నాగ్ అశ్విన్ సినిమా లకు కత్రినా ని అనుకోవడం పట్ల పలువురు ఆసక్తికర చర్చలు జరుపుతున్నారు. ప్రభాస్ కి కత్రినా అంతగా నచ్చిందా అంటూ వ్యాఖ్యలు చేస్తున్నారు. ప్రస్తుతం ప్రీ ప్రొడక్షన్ కార్యక్రమాలు జరుపుకుంటున్న ఈ చిత్రం ఈ ఏడాది ఆఖరికి షూటింగ్ మొదలు కానుంది.