కేరళ, తమిళనాడు రాష్ట్రాల్లో భక్తి పర్యటనను ముగించుకుని వచ్చిన కేసీఆర్ ఇవాళ ముగ్గురు ఎమ్మెల్సీ అభ్యర్థులను ఖరారు చేయనున్నారు. తెలంగాణలో స్థానిక సంస్థల కోటా ఎమ్మెల్సీ ఉప ఎన్నికలకు నోటిఫికేషన్‌ విడుదలైన సంగతి తెలిసిందే. అయితే ఈ ఎమ్మెల్సీ ఎన్నికలకు మే 6 నుంచి నామినేషన్ల స్వీకరణ ప్రక్రియ ప్రారంభమైంది. స్థానిక సంస్థల కోటాలో 3 ఎమ్మెల్సీ స్థానాలైన రంగారెడ్డి, వరంగల్‌, నల్గొండ స్థానాల్లో ఎన్నికలు జరగనున్నాయి. ఈనెల 14న ఎమ్మెల్సీ స్థానాలకు నామినేషన్ల దాఖలు గడువు ముగియనున్న నేపథ్యంలో ఈరోజే ఆయన అభ్యర్థులను ఖరారు చేస్తారని తెలుస్తోంది.