Posted [relativedate] at [relativetime time_format=”H:i”]
టాలీవుడ్ మోస్ట్ సక్సెస్ఫుల్ డైరెక్టర్ లో ఒకరు త్రివిక్రమ్ శ్రీనివాస్… వరుస హిట్లతో తన ట్రేడ్ మార్క్ తో దూసుకుపోతున్నాడు. ప్రస్తుతం త్రివిక్రమ్ పవన్ కళ్యాణ్ హీరోగా అజ్ఞాతవాసి సినిమాను తెరకెక్కిస్తున్నాడు. ఈ సినిమా షూటింగ్ మొత్తం ఈ మధ్యే ఫినిష్ అయింది. పవన్ కళ్యాణ్ 25 చిత్రం కావటంతో అజ్ఞాతవాసి సినిమా ప్రమోషన్ ను త్రివిక్రమ్ పక్కాగా ప్లాన్ చేసుకున్నాడు. అజ్ఞాతవాసి సినిమా టీజర్ ను డిసెంబర్ 16, ఆడియోను డిసెంబర్ 19 న రిలీజ్ చేసి, సంక్రాంతి కానుకగా జనవరి 10న ఈ సినిమాను రిలీజ్ చేయటానికి త్రివిక్రమ్ అన్ని ఏర్పాట్లు పూర్తి చేసాడు.
ఇంకా ఈ సినిమా తరువాత ఎన్టీఆర్ తో ఒక సినిమాను ప్రారంభించనున్నాడు త్రివిక్రమ్. ఎన్టీఆర్ త్రివిక్రమ్ సినిమా దసరా కానుకగా ప్రేక్షకుల ముందుకు రాబోతుంది. ఈ చిత్రంలో ఎన్టీఆర్ ఒక విభిన్నమైన క్యారెక్టర్ లో నటిస్తున్నాడు. ఇక ఎన్టీఆర్ సినిమా తర్వాత వెంకటేష్ తో త్రివిక్రమ్ సినిమా చేయనున్నాడు. ఈ విషయాన్ని వెంకటేష్ పుట్టిన రోజు సందర్భంగా ఒక పోస్టర్ ని రిలీజ్ చేయటం కూడా జరిగింది. కానీ ఫిలిం నగర్ లో ఒక ఆసక్తికరమైన వార్త హల్ చల్ చేస్తుంది.
ఫిల్మ్ నగర్ నుంచి అందుతున్న సమాచారం ప్రకారం వెంకటేష్ తో పాటు మహేష్ కూడా ఈ సినిమాలో నటించబోతున్నాడు. ఈ మల్టీ స్టారర్ చిత్రంలో వెంకటేష్, మహేష్ బాబులు హీరోలుగా నటించనున్నారట. గతంలో ఈ ఇద్దరు హీరోలుగా తెరకెక్కిన సీతమ్మ వాకిట్లో సిరిమల్లె చెట్టు చిత్రం ఘనవిజయం సాధించిన విషయం అందరికి తెలిసిందే. ఈ నేపథ్యంలో మరోసారి ఆ కాంబినేషన్ ను రిపీట్ చేసేందుకు త్రివిక్రమ్ రెడీ అవుతున‍్నారట. ఇప్పటికే ఈ విషయాన్ని త్రివిక్రమ్ మహేష్, వెంకటేష్ కి చెప్పటం… వారిద్దరూ ఓకే చెప్పటం కూడా జరిగిపోయిందంటా. ఇప్పటికే మహేష్, త్రివిక్రమ్ కాంబినేషన్ లో అతడు, ఖలేజా మూవీస్ వచ్చాయి. ఈ మల్టీ స్టారర్ చిత్రం గనుక నిజమైతే, ఈ చిత్రం టాలీవుడ్ లో రికార్డులు సృష్టించడం ఖాయం…
