టాలీవుడ్ ఎనర్జిటిక్ స్టార్ రామ్ పోతినేని హీరోగా కావ్య థాపర్ (Kavya Thapar) హీరోయిన్ గా దర్శకుడు పూరి జగన్నాథ్ (Puri Jagannath) తెరకెక్కిస్తున్న భారీ పాన్ ఇండియా మూవీ “డబుల్ ఇస్మార్ట్” (Double iSmart) కోసం అందరికీ తెలిసిందే. మరి ఈ మూవీ తర్వాత రామ్ మరింత ఆసక్తికర లైనప్ ను సెట్ చేసుకోగా ఇప్పుడు ఈ లైనప్ లోకి దర్శకుడు మహేష్ బాబు కూడా వచ్చినట్టుగా తెలుస్తుంది.
స్టార్ బ్యూటీ అనుష్క అలాగే నవీన్ పొలిశెట్టి కాంబినేషన్ లో చేసిన “మిస్ శెట్టి మిస్టర్ పొలిశెట్టి” తో మంచి హిట్ ని అందుకున్న ఈ దర్శకుడు ఇప్పుడు రామ్ తో ఒక సాలిడ్ ప్రాజెక్ట్ చేయనున్నట్టుగా వినిపిస్తుంది. మరి దీనిపై మరింత క్లారిటీ కూడా రావాల్సి ఉంది. ఇక మరోపక్క అభిమానులు అయితే డబుల్ ఇస్మార్ట్ కోసం ఆసక్తిగా ఎదురు చూస్తున్నారు. ఈ మూవీ షూటింగ్ ఇప్పుడు శరవేగంగా పూర్తవుతుండగా మణిశర్మ సంగీతం అందిస్తున్నారు. అలాగే పూరి, ఛార్మి లు నిర్మాణం వహిస్తున్నారు.
