యువతిని ప్రేమ పేరుతో నమ్మించి అశ్లీల దృశ్యాలను వాట్సాప్‌లో పెట్టి వికృతంగా వ్యవహరించిన యువకుడి ఉదంతం హుబ్లీలో వెలుగు చూసింది. మహారాష్ట్రలోని షిరిడీకి చెందిన యువకుడు హుబ్లీలో నర్సింగ్‌ కోర్సు చదువుతున్నాడు.
తన జూనియర్‌ విద్యార్థినితో పరిచయం పెంచుకుని ఫోన్‌లో మాట్లాడుతూ ప్రేమిస్తున్నట్లు నమ్మించాడు. అనంతరం వాట్సాప్‌ద్వారా వీడియోకాల్‌ చేసి ఆమె నగ్న దృశ్యాలను రికార్డు చేశాడు. వాటిని ఎడిట్‌ చేసి ఫొటోలను ఈనెల 11న వాట్సాప్‌లో పెట్టాడు. బాధితురాలు పోలీసులకు ఫిర్యాదు చేసింది.