Posted [relativedate] at [relativetime time_format=”H:i”]
తెలుగు మరియు తమిళంలో దాదాపు పుష్కర కాలం పాటు స్టార్‌ హీరోయిన్‌గా సత్తా చాటిన ముద్దుగుమ్మ త్రిష. ఈ అమ్మడు తెలుగులో మరియు తమిళంలో ఎంతో మంది స్టార్‌ హీరోల సరసన నటించింది. అయితే ఏ హీరోయిన్‌కు అయినా కూడా కొంత కాలం తర్వాత ఫాం కోల్పోవడం తప్పదు. అలాగే త్రిష కూడా తన ప్రాభవాన్ని కోల్పోయింది. రెండు మూడు సంవత్సరాలుగా పెద్ద సినిమాలు లేకపోవడంతో పాటు, పెద్ద స్టార్స్‌ ఈమెను కోరుకోలేదు. దాంతో త్రిష కెరీర్‌ ఖతం అయినట్లే అని అంతా భావించారు. అయితే తన రీఎంట్రీని ‘మోహిని’తో ఇచ్చేందుకు సిద్దం అయ్యింది.
గత సంవత్సర కాలంగా ‘మోహిని’ చిత్రాన్ని త్రిష చేస్తోంది. ఆర్‌ మదేష్‌ దర్శకత్వంలో తెరకెక్కుతున్న ‘మోహిని’ చిత్రంతో త్రిష మళ్లీ తెలుగు మరియు తమిళంలో బిజీ అవ్వడం ఖాయం అని సినీ వర్గాల వారు భావిస్తున్నారు. అంతా భావిస్తున్నట్లుగానే త్రిష ‘మోహిని’ చిత్రంలో ఆకట్టుకుంది. తాజాగా విడుదలైన ట్రైలర్ సినిమాపై అంచనాలు భారీగా పెంచేసింది. ప్రస్తుతం సినిమాకు సంబంధించిన చివరి దశ షూటింగ్‌ కార్యక్రమాలు జరుపుతున్నాడు. ట్రైలర్‌లో త్రిష తన నట విశ్వరూపం చూపించడంతో పాటు, తన గ్లామర్‌ ఏమాత్రం తగ్గలేదని చెప్పకనే చెప్పింది. దాంతో ఈ సినిమా తర్వాత తప్పకుండా త్రిషకు మంచి భవిష్యత్తు ఉండే అవకాశాలున్నాయని సినీ వర్గాల వారు అంటున్నారు. తెలుగులో మోహిని టీజర్‌ కోసం ఫ్యాన్స్‌ ఎదురు చూస్తున్నారు.
