క‌రోనా వైర‌స్ వల్ల సినిమా వాళ్లు త‌మ సినిమాల షూటింగ్‌ల‌ని వాయిదా వేసుకుంటున్నారు. కొంత మందేమో సినిమా రిలీజ్‌ల‌ని కూడా పోస్ట్‌పోన్ చేసుకుంటున్నారు. ఇప్ప‌టికే ప‌వ‌న్‌క‌ల్యాణ్ న‌టిస్తున్న `వ‌కీల్‌సాబ్‌` రిలీజ్‌ని కూడా వాయిదా వేసిన‌ట్టు వార్త‌లు వ‌స్తున్నాయి. ఇటీవ‌ల దిల్ రాజు నిర్మిస్తున్న మరో చిత్రం `వి` రిలీజ్ కూడా ఏప్రిల్‌కు వాయిదా ప‌డిన విష‌యం తెలిసిందే.
ముందు ఈ చిత్రాన్ని ఇదే నెల 25న ఉగాది కానుక‌గా రిలీజ్ చేయాల‌నుకున్నారు. కానీ క‌రోనా వైర‌స్ విళ‌య‌తాండ‌వం చేస్తున్న నేప‌థ్యంలో `వి` రిలీజ్‌ని కాస్త ఏప్రిల్‌కి వాయిదా వేశారు. తాజాగా ఇదే వ‌రుస‌లో మరో రెండు చిత్రాల రిలీజ్‌లు వాయిదా ప‌డిన‌ట్టు తెలిసింది. అందులో అనుష్క న‌టిస్తున్న `నిశ్శ‌బ్దం` ఒక‌టి కాగా మ‌రొక‌టి వైష్ణ‌వ్‌తేజ్ హీరోగా ప‌రిచ‌యం అవుతున్న `ఉప్పెన`. కోన వెంక‌ట్‌తో క‌లిసి టి.జి.విశ్వ‌ప్ర‌సాద్ నిర్మిస్తున్న `నిశ్శ‌బ్దం` చిత్రాన్ని ముందు ఏప్రిల్ 2న రిలీజ్ చేయాల‌ని ప్లాన్ చేశారు.
వైష్ణ‌వ్‌తేజ్ హీరోగా ప‌రిచ‌యం అవుతున్న `ఉప్పెన` చిత్రాన్ని మైత్రీమూవీమేక‌ర్స్‌తో క‌లిసి ద‌ర్శ‌కుడు సుకుమార్ నిర్మిస్తున్నారు. ఈ చిత్రాన్ని కూడా ఏప్రిల్ 2నే రిలీజ్ చేయాల‌ని ప్లాన్ చేశారు. అయితే తాజా ప‌రిస్థితుల నేప‌థ్యంలో ఈ రెండు చిత్రాల రిలీజ్ ని వాయిదా వేసిన‌ట్టు తెలిసింది. మరో డేట్‌ని చిత్ర వ‌ర్గాలు ప్ర‌క‌టించ‌నున్నాయ‌ట.