యంగ్‌టైగర్‌ ఎన్టీఆర్‌ ‘అరవింద సమేత’ చిత్రంలో నటిస్తుండగా తండ్రి హరికిష్ణ్ర రోడ్డు ప్రమాదంలో మరణించిన విషయం తెల్సిందే. అప్పటి నుండి నందమూరి కుటుంబంలో విషాద ఛాయలు అలుముకున్నాయి. ఈ చిత్ర ప్రీ ఈవెంట్‌లో కూడా ఎన్టీఆర్‌, కళ్యాణ్‌ రామ్‌ కన్నీరు మున్నీరు అయ్యారు. అది చూసిన అభిమానుల హృదయాలు ద్రవించిపోయాయి. తాజాగా ఈ చిత్ర సక్సెస్‌ మీట్‌ హైద్రాబాద్‌లో జరిగింది. ఈ కార్యక్రమంలో మాట్లాడిన ఎన్టీఆర్‌ ఒక కొత్త ప్రయత్నానికి నాంది పలికిన ఆప్త మిత్రుడు త్రివిక్రమ్‌కు ధన్యవాదాలు తెలియజేశాడు. ఈ విజయ దశమికి విషాదంలో ఉన్న మా కుటుంబానికి ఈ చిత్రం ద్వారా వెలుగు చూపించాడు అంటూ ఎన్టీఆర్‌ త్రివిక్రమ్‌ గురించి చాలా గొప్పగా మాట్లాడాడు.
అన్నయ్య ఈ సమయంలో నాన్న ఉంటే బావుండేది అని అన్నారు కానీ నాన్న ఇక్కడే ఎక్కడో తిష్ఠ వేసుకుని కూచోని ఇదంతా చూస్తూ ఉంటాడు. నాన్న స్థానంలో వచ్చిన బాబాయికి పాదాభివందనాలు. ఈ చిత్రంలో నటించిన ప్రతీ ఒక్కరు చాలా బాగా నటించారు. ఈ చిత్రం కోసం పని చేసి చేసిన సాంకేతిక నిపుణులందరికి కృతజ్ఞతలు తెలియజేశాడు. చివరగా జై ఎన్టీఆర్‌, జై హరిక్రిష్ణ అంటూ ఎన్టీఆర్‌ ముగించాడు. తండ్రిని కోల్పోయిన బాధలో ఉన్న ఎన్టీఆర్‌కు ‘అరవింద సమేత’ చిత్రం కాస్తంతా బూస్ట్‌ ఇచ్చిందని అభిమానులు ఆనందపడుతున్నారు.
