టాలీవుడ్ లో ప్రత్యేక మూవీ లను చేస్తూ, తనకంటూ ప్రత్యేక గుర్తింపు తెచ్చుకున్న టాలెంటెడ్ యాక్టర్, నాచురల్ స్టార్ నాని. గతేడాది దసరా, హాయ్ నాన్న మూవీ ల తో ప్రేక్షకులను, అభిమానులని విశేషంగా ఆకట్టుకున్నాడు. ఈ ఏడాది సరిపోదా శనివారం అంటూ ప్రేక్షకులని అలరించడానికి రెడీ అవుతున్నారు . ఆగస్టు 29 వ తేదీన వరల్డ్ వైడ్ గా థియేటర్లలో రిలీజ్ కు రెడీ అవుతున్న ఈ మూవీ లో ప్రియాంక మోహన్ హీరోయిన్ గా నటిస్తుండగా, ఎస్.జే. సూర్య కీలక పాత్రలో కనిపించనున్నారు .
తాజాగా ఈ మూవీ టీవీ పార్ట్ నర్ ని ఫిక్స్ చేసుకుంది. ఈ మూవీ యొక్క శాటిలైట్ హక్కులని ప్రముఖ టీవీ ఛానల్ అయిన జీ తెలుగు వారు సొంతం చేసుకుంది. వివేక్ ఆత్రేయ దర్శకత్వంలో తెరకెక్కిన సరిపోదా శనివారం మూవీ కి జేక్స్ బెజోయ్ సంగీతాన్ని అందిస్తున్నాడు. ఈ మూవీ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
