ఛలో సక్సెస్ తో మంచి జోష్ లో ఉన్న నాగశౌర్య కొత్త సినిమా @నర్తనశాల టీజర్ కాసేపటి క్రితమే విడుదలైంది. డైరెక్టర్ వంశీ పైడిపెల్లి ఈ సినిమా టీజర్ విడుదల చేసారు. ‘ఛలో’ లాంటి బ్లాక్‌బ‌స్ట‌ర్ చిత్రం త‌రువాత నాగశౌర్య, ఐరా క్రియోష‌న్స్ కాంబినేష‌న్ లో ప్రొడ‌క్ష‌న్ నెం-2 గా ఈ సినిమా తెరకెక్కుతోంది. ఈ చిత్ర ఫస్ట్‌లుక్‌ని ఇటీవ‌లే విడుదల చేశారు. ఈలుక్‌కి సోష‌ల్ మీడియాలో విప‌రీత‌మైన రెస్పాన్స్ రావ‌టం సినిమా మీద మరిన్ని అంచనాలు పెంచేస్తోంది. ఈ చిత్రంలో సౌర్య సరసన క‌ష్మిర ప‌ర‌దేశి, యామిని భాస్క‌ర్ హీరోయిన్స్‌గా న‌టిస్తున్నారు. ఇటీవ‌లే ఇట‌లీలో సాంగ్స్ షూటింగ్ పూర్తిచేసుకున్న సినిమా పోస్ట్‌ప్రోడక్ష‌న్ కార్య‌క్ర‌మాలు జ‌రుపుకుంటోంది. ప్ర‌పంచ‌వ్యాప్తంగా ఈ చిత్రాన్ని అగ‌ష్టు 31న విడుదల చేయ‌టానికి నిర్మాత‌లు స‌న్నాహ‌లు చేస్తున్నారు.
