Posted [relativedate] at [relativetime time_format=”H:i”]
ఇటీవలే ఇద్దరు మెగా హీరోలు సాయి ధరమ్‌ తేజ్‌, వరుణ్‌ తేజ్‌లు తమ చిత్రాలతో ప్రేక్షకుల ముందుకు వచ్చారు. సాయి ధరమ్‌ తేజ్‌ బాక్సాఫీస్‌ వద్ద బొక్క బోర్లా పడగా, వరుణ్‌ తేజ్‌ మాత్రం మంచి విజయాన్ని ‘తొలిప్రేమ’తో దక్కించుకున్నాడు. ఇక సమ్మర్‌ను మెగా హీరోలు రామ్‌ చరణ్‌ మరియు అల్లు అర్జున్‌లు షురూ చేయబోతున్నారు. ఈ రెండు చిత్రాలు మాత్రమే కాకుండా మెగా మూవీలు మరో రెండు కూడా సమ్మర్‌లో ప్రేక్షకుల ముందుకు రాబోతున్నాయి. అందులో ఒకటి అల్లు శిరీష్‌ది కాగా, మరోటి మెగా డాటర్‌ నిహారిక నటించిన ‘హ్యాపీ వెడ్డింగ్‌’.
నిహారిక, సుమంత్‌ అశ్విన్‌ జంటగా తెరకెక్కుతున్న ‘హ్యాపీవెడ్డింగ్‌’ చిత్రం షూటింగ్‌ చివరి దశకు వచ్చింది. యూవీ క్రియేషన్స్‌ బ్యానర్‌లో రూపొందుతున్న ఈ సినిమాకు లక్ష్మణ్‌ దర్శకత్వం వహిస్తున్నాడు. పెద్దలు కుదిర్చిన పెళ్లి నేపథ్యంలో ఈ చిత్రం ఉంటుందని తెలుస్తోంది. పెళ్లి చూపులు నుండి పెళ్లి వరకు జరిగే పరిణామాతో ఈ చిత్రం ఉంటుందట. వధువు, వరుడు మద్య సన్నివేశాలు మరియు ఇరు కుటుంబాల మద్య నెలకొనే సంఘటనల ఆధారంగా చిత్రాన్ని ఆసక్తికరంగా, ఫ్యామిలీ ఎంటర్‌టైనర్‌గా దర్శకుడు చిత్రీకరిస్తున్నాడని తెలుస్తోంది. యూవీ క్రియేషన్స్‌లో ఈ చిత్రం తెరకెక్కుతున్న నేపథ్యంలో అంచనాలు భారీగా ఉన్నాయి. సమ్మర్‌లో అంటే మేలో సినిమాను విడుదల చేసే అవకాశం ఉంది. మెగా ఫ్యాన్స్‌కు సమ్మర్‌ కానుకగా రాబోతున్న హ్యాపీవెడ్డింగ్‌ సినిమా ఎలా ఉంటుందో చూడాలి.
