Posted [relativedate] at [relativetime time_format=”H:i”]
పవర్‌ స్టార్‌ పవన్‌ కళ్యాణ్‌, త్రివిక్రమ్‌ల కాంబినేషన్‌లో తెరకెక్కిన ‘అజ్ఞాతవాసి’ చిత్రం విడుదలకు సిద్దం అయ్యింది. సంక్రాంతి కానుకగా విడుదల కాబోతున్న ఈ సినిమాను భారీ ఎత్తున ప్రమోషన్‌ చేస్తున్నారు. పవన్‌ 25వ చిత్రం అవ్వడంతో త్రివిక్రమ్‌ చాలా జాగ్రత్తలు తీసుకున్నాడు. ఇక ఈ చిత్రంకు సంబంధించిన కొడకా కోటేశ్వరరావా అంటూ సాగే పాటను నూతన సంవత్సర కానుకగా విడుదల చేయడం జరిగింది. పవన్‌ పాడిన ఈ ప్రత్యేక పాట ప్రస్తుతం సోషల్‌ మీడియాలో రచ్చ చేస్తోంది. వారం రోజు ముందే ఈ పాట విడుదలపై ప్రకటన చేసిన నేపథ్యంలో అంతా కూడా ఎంతో ఆసక్తిగా ఎదురు చూశారు.
కొన్ని నిమిషాల వ్యవదిలో మిలియన్‌ వ్యూస్‌ను దక్కించుకుని సంచనలంగా మారిన పవన్‌ పాడిన కొడకా సాంగ్‌ టాలీవుడ్‌లో ప్రస్తుతం తెగ ట్రెండ్‌ అవుతుంది. న్యూ ఇయర్‌ పార్టీల్లో ఈ పాట తెగ వినిపించింది. పాట విడుదలైన కొన్ని నిమిషాల్లోనే పవన్‌ ఫ్యాన్స్‌ ఆ పాటకు స్టెప్పులు వేసి మరీ సోషల్‌ మీడియాలో పోస్ట్‌ చేసి తమ అభిమానంను చూపించారు.
సంక్రాంతి కానుకగా విడుదల కాబోతున్న ఈ చిత్రంకు ఖచ్చితంగా కొడకా పాట హైలైట్‌గా నిలుస్తుందని, ఏమాత్రం అనుమానం లేకుండా ‘అజ్ఞాతవాసి’ సంచలన విజయాన్ని సొంతం చేసుకుంటుందంటూ మెగా ఫ్యాన్స్‌ నమ్మకంతో ఉన్నారు. కాటమరాయుడా కదిరి నరసింహుడా అంటూ పవన్‌ పాడిన అత్తారింటికి దారేది పాట కంటే ఈ పాట మరింత సక్సెస్‌ అవ్వబోతుంది అంటూ సినీ వర్గాల వారు జోష్యం చెబుతున్నారు.
