‘పెద్ది’ పవర్ ప్లే టూర్.. నాన్‌స్టాప్ ప్రమోషన్లతో గ్రాండ్ అటాక్!

వరుస ప్రమోషన్లతో ‘పెద్ది’ పవర్ ప్లే టూర్.. క్రేజీ ప్లానింగ్ వైరల్!

మెగాపవర్ స్టార్ రామ్ చరణ్ హీరోగా నటించిన లేటెస్ట్ అవైటెడ్ స్పోర్ట్స్ డ్రామా ‘పెద్ది’. దర్శకుడు బుచ్చిబాబు సానా తెరకెక్కించిన ఈ హై-వోల్టేజ్ ప్రాజెక్ట్ మరో రెండు వారాల్లో థియేటర్లలోకి రాబోతోంది. ప్రమోషన్స్ పెద్దగా లేవని అనుకున్న ఫ్యాన్స్‌కి ఇప్పుడు టీమ్ ఇచ్చిన ప్లాన్ అసలు పవర్ షాట్‌లా మారింది.

లేటెస్ట్‌గా బయటకు వచ్చిన సమాచారం ప్రకారం, ‘పెద్ది’ పవర్ ప్లే టూర్ పేరుతో దేశవ్యాప్తంగా నాన్‌స్టాప్ ప్రమోషన్లు ఫిక్స్ చేశారు. మొత్తం 8 ప్రధాన ఈవెంట్స్‌తో ఈ టూర్ జరగనుంది. ఈ నెల 18న ముంబై ఈవెంట్‌తో స్టార్ట్ అయ్యే ఈ ప్రయాణం, 22న హైదరాబాద్ ఉప్పల్ స్టేడియం, 23న భోపాల్, 24న బెంగళూరు, 28న ఢిల్లీ, 30న చెన్నై, జూన్ 1న విజయనగరం వరకు కొనసాగనుంది.

ఈ పవర్ ప్లే టూర్‌కు గ్రాండ్ ఫినిష్‌గా జూన్ 2న హైదరాబాద్‌లో భారీ ప్రీ రిలీజ్ ఈవెంట్ ప్లాన్ చేశారు. ఇలా వరుసగా, గ్యాప్ లేకుండా ప్రమోషన్లు చేయడం సినిమాపై అంచనాలను డబుల్ చేస్తోంది. ఈ ప్లానింగ్ పర్ఫెక్ట్‌గా వర్కౌట్ అయితే, థియేటర్లలో భారీ ఓపెనింగ్స్ ఖాయం అంటూ ఇండస్ట్రీ వర్గాలు కూడా బలంగా చెబుతున్నాయి.

మొత్తానికి ‘పెద్ది’ టీమ్ ఈసారి మాటలతో కాదు, మ్యాచ్ గెలిచే స్ట్రాటజీతో ప్రమోషన్లకు దిగిందన్న మాట.