నాగ్ అశ్విన్ దర్శకత్వంలో నేషనల్ స్టార్ ప్రభాస్ హీరోగా రూపొందుతున్న ‘కల్కి 2898 AD’ అనే ఫాంటసీ సైంటిఫిక్ మూవీ గురించి అందరికీ తెలిసిన విషయమే. ఈ సినిమాలోని బుజ్జి, భైరవ పాత్రలతో మేకర్స్ ‘కల్కి’ సినిమాపై పిల్లల్లో ఆసక్తి పెంచే ప్రయత్నం చేస్తున్నారు. ఈ క్రమంలో బుజ్జి వాహన బొమ్మలు, భైరవ స్టిక్కర్లు, టీ షర్ట్స్‌ను విక్రయిస్తున్నారు. అలాగే, సెలబ్రిటీ పిల్లలకు గిఫ్టులుగా పంపించి, సోషల్ మీడియాలో ప్రచారం చేస్తున్నారు.
రామ్ చరణ్ కూతురు క్లీంకార కూడా ఈ బహుమతులు అందుకుంది. దీనితో ‘థ్యాంక్స్ కల్కి టీమ్. ఆల్ ది బెస్ట్’ అంటూ క్లీంకార బుజ్జి బొమ్మతో ఆడుకుంటున్న ఫోటోను ఉపాసన తన ఇన్‌స్టా స్టోరీలో షేర్ చేయడంతో అది వైరల్ అయింది. ఈ భారీ బడ్జెట్ చిత్రంలో అమితాబ్ బచ్చన్, కమల్ హాసన్, పశుపతి, రాజేంద్ర ప్రసాద్ వంటి ప్రముఖులు కీలక పాత్రల్లో నటిస్తున్నారు. సంగీతం సంతోష్ నారాయణన్ అందిస్తున్నారు..
