బాహుబలి సినిమా ద్వారా యంగ్ రెబల్ స్టార్ ప్రభాస్ క్రేజ్ విపరీతంగా పెరిగిపోయింది. బాహుబలి తరువాత సుజీత్ దర్శకత్వంలో వచ్చిన సాహో ప్లాఫ్ అయినా కానీ దాదాపు ఈ సినిమా 400 కోట్లకు పైగా గ్రాస్ వసూళ్ళను సాధించి రికార్డ్ సృష్టించింది. అయితే ప్రస్తుతం ప్రభాస్ రాధాకృష్ణ దర్శకత్వంలో జాన్ అనే సినిమాను చేస్తున్నాడు. ఈ సినిమా వచ్చే ఏడాది వేసవిలో రిలీజ్ కాబోతుంది.అయితే ఈ చిత్రం ప్రస్తుతం జార్జియాలో శరవేగంగా షూటింగ్ జరుపుకుంటుండగా, సినిమా నుంచి ఓ ఇంట్రెస్టింగ్ అప్డేట్ ఒకటి బయటికొచ్చింది. కీలకమైన యాక్షన్ సీన్స్ చిత్రీకరిస్తుండగా సింగిల్ షాట్ కు రూ.2 కోట్లు ఖర్చు చేశారని, ఈ సినిమాలో ఈ సీన్ హైలైట్ కాబోతుందని టాక్ వినిపిస్తుంది. అయితే ఈ వారం జార్జియా షెడ్యూల్ పూర్తికావడంతో తదుపరి షూటింగ్ కోసం చిత్ర యూనిట్ యూరప్ బయలుదేరబోతుంది.