బాహుబ‌లిని నేనేనా…?

Posted [relativedate] at [relativetime time_format=”H:i”] 

బాహుబ‌లి హీరో తానే అంటే ఒక్కోసారి న‌మ్మ‌శ‌క్యంగా అనిపించ‌దంటున్నాడు ప్ర‌భాస్. బాహుబ‌లి ఇమేజ్ నుంచి త‌న‌కు బ‌య‌ట‌కు రావాల‌ని లేద‌ని, ఈ ఇమేజ్ లోనే ఎప్ప‌టికీ ఉండ‌టానికి ఇష్ట‌ప‌డ‌తాన‌ని అన్నాడు. బాహుబ‌లిలాంటి చిత్రంలో న‌టించే అవ‌కాశం జీవితంలో ఒక్క‌సారే వ‌స్తుంద‌ని, కాబ‌ట్టి జీవితాంతం ఈ అనుభూతిలోనే ఉండాల‌ని భావిస్తున్నాన‌ని ఓ ఇంగ్లిష్ ప‌త్రిక‌కు ఇచ్చిన ఇంట‌ర్వ్యూలో ప్ర‌భాస్ వ్యాఖ్యానించాడు.

బాహుబ‌లిలో తాను న‌టించ‌డాన్ని ఓ అద్భుతంగా అభివ‌ర్ణించాడు ప్ర‌భాస్. బాహుబ‌లి క‌థానాయ‌కున్ని తానేనా అని ఒక్కోసారి ఆశ్చ‌ర్య‌పోతుంటాన‌న్నాడు. జాతీయ స్థాయిలో త‌న‌కు ఇంత గుర్తింపు వ‌స్తుంద‌ని ఎప్పుడూ భావించ‌లేద‌ని తెలిపాడు. బాహుబ‌లికి ఈ స్థాయి స‌క్సెస్ ద‌క్క‌డం ఊహించ‌ని విష‌య‌మ‌న్నాడు… ఇది ఓ అంద‌మైన అనుభూతి అని చెప్పాడు. ప్ర‌స్తుతం ప్ర‌భాస్ సాహో చిత్రంలో న‌టిస్తున్నారు. ఈ సినిమాలో ఆయ‌న స‌ర‌స‌న బాలీవుడ్ హీరోయిన్ శ్ర‌ద్ధాక‌పూర్ న‌టిస్తోంది. యాక్ష‌న్ నేప‌థ్యంలో బ‌హుభాష‌ల్లో తెర‌కెక్కుతోన్న ఈ సినిమాను యూవీ క్రియేష‌న్స్ నిర్మిస్తోంది. ఈ నెల 23న ప్ర‌భాస్ పుట్టిన‌రోజు సంద‌ర్భంగా సాహో టీజ‌ర్ ను విడుద‌ల‌చేయ‌నున్న‌ట్టు తెలుస్తోంది.