సూర్యాపేట శివారు దురాజ్‌పల్లి వద్ద రోడ్డు ప్రమాదం సంభవించింది. ప్రయాణికులతో వెళ్తున్న ప్రైవేటు ట్రావెల్స్ బస్సు అదుపుతప్పి బోల్తాపడింది. దివాకర్ ట్రావెల్స్ బస్సు అదుపుతప్పి జాతీయ రహదారిపై పల్టీ కొట్టింది. విశాఖపట్నం నుంచి హైదరాబాద్‌కు వస్తుండగా ఈ ప్రమాదం జరిగింది. ప్రమాద సమయంలో సుమారు 50 మంది ప్రయాణికులు ఉన్నారు. ఈ ప్రమాదంలో 20 మందితీవ్రంగా గాయపడ్డారు. పలువురి పరిస్థితి విషమంగా ఉన్నట్టు తెలుస్తోంది. క్షతగాత్రులను సూర్యాపేట ఏరియా ఆసుపత్రికి తరలించి చికిత్స అందజేస్తున్నారు. డ్రైవర్ నిద్రమత్తు వల్లే ప్రమాదం జరిగినట్టు పోలీసులు భావిస్తున్నారు. ఈ ప్రమాదంలో గాయపడ్డ క్షతగాత్రులను చికిత్స నిమిత్తం సూర్యాపేట ఏరియా ఆస్పత్రికి తరలించారు.