మాటల మాంత్రికుడు త్రివిక్రమ్‌ శ్రీనివాస్‌ దర్శకత్వంలో యంగ్‌ టైగర్‌ ఎన్టీఆర్‌ హీరోగా తెరకెక్కి దసరా కానుకగా ప్రేక్షకుల ముందుకు వచ్చిన ‘అరవింద సమేత’ చిత్రంకు హిట్‌ టాక్‌ వచ్చింది. బ్లాక్‌ బస్టర్‌ సక్సెస్‌ను దక్కించుకోవడంతో పాటు, భారీ వసూళ్లను రాబడుతున్న ఈ చిత్రంపై పలువురు పలు రకాలుగా స్పందిస్తున్నారు. అంతా కూడా త్రివిక్రమ్‌ మరియు ఎన్టీఆర్‌లపై ప్రశంసలు కురిపిస్తున్నారు. తాజాగా ఈ చిత్రంను చూసిన రామ్‌ చరణ్‌ కూడా పాజిటివ్‌గా స్పందించి అందరి దృష్టిని ఆకర్షించాడు.
ఎన్టీఆర్‌ కెరీర్‌లో ఇదో అద్బుతమైన బెస్ట్‌ నటన, అద్బుతమైన కథ, మరింత అద్బుతమైన దర్శకత్వంతో ఈ సినిమా తెరకెక్కింది. త్రివిక్రమ్‌ గారి డైలాగ్స్‌ సూపర్‌, జగపతిబాబు నటన మరియు తమన్స్‌ సంగీతం చాలా బాగున్నాయి. పూజా హెగ్డే నటన కూడా చాలా బాగుంది అంటూ ఫేస్‌బుక్‌లో రామ్‌ చరణ్‌ స్పందించాడు. అద్బుతమైన ఈ చిత్రం సక్సెస్‌కు చిత్ర యూనిట్‌ సభ్యులకు కంగ్రాట్స్‌ అంటూ చరణ్‌ పోస్ట్‌ చేశాడు. ఈమద్య కాలంలో ఒక స్టార్‌ హీరో సినిమాను మరో స్టార్‌ హీరో మెచ్చుకుంటున్నాడు. ఆ క్రమంలోనే ఈ చిత్రంను ఎన్టీఆర్‌ పొగడ్తలతో చరణ్‌ ముంచెత్తాడు. త్వరలో ఎన్టీఆర్‌ మరియు చరణ్‌లు కలిసి జక్కన్న రాజమౌళి దర్శకత్వంలో ఒక మల్టీస్టారర్‌ చేయబోతున్న విషయం తెల్సిందే.
