వివాదస్పద సినిమాల దర్శకుడు రామ్‌ గోపాల్‌ వర్మ శంషాబాద్ పోలీస్ స్టేషన్‌కి వెళ్ళారు. తెలుగు రాష్ట్రాలలో సంచలనం రేపిన దిశ హత్య కేసుపై వర్మ ఒక సినిమాను చేస్తున్నట్టు ప్రకటించాడు. అందులోనే భాగంగా నేడు శంషాబాద్ ఏసీపీనీ కలిసి ఈ కేసుకు సంబంధించి పూర్తి వివరాలను సేకరించాడు.
అయితే దిశ ఎఫ్ఐఆర్ నమోదు నుంచి, నిందితులను పట్టుకున్న తీరు, నింధితుల ఎన్‌కౌంటర్ వరకు అన్ని అంశాలను పూర్తిగా తెలుసుకున్నాడు. అంతేకాదు ఈ కేసుకు సంబంధించి కొన్ని ముఖ్య ఆధారాలను కూడా పోలీసుల దగ్గర నుంచి సేకరించాడు. అయితే దీనిపై దిశ తల్లిదండ్రుల దగ్గర అనుమతి తీసుకున్నారా అని వర్మను అడగగా, ఈ సినిమా తీయడానికి ఎవరి అనుమతి తనకు అక్కర్లేదని, సినిమా తీసే స్వేచ్చ తనకు ఉందని చెప్పుకొచ్చాడట. అయితే వర్మ ఈ సినిమా అనౌన్స్ చేసిన చేసిన వెంటనే నలుగురు నిందితులలో ఒకడైన చెన్నకేశవులు భార్యను పిలిపించుకుని మాట్లాడిన సంగతి తెలిసిందే.