పరాయి భాష నుంచి టాలీవుడ్‌లో వరుస చిత్రాలతో దూసుకెళ్తున్న హీరోయిన్ రష్మిక ఇప్పుడు హాట్‌గా మారింది. పట్టిన సినిమాలు కాసులు వర్షం కురిపిస్తున్న నేపథ్యంలో వరుస ఆఫర్లు ఆమెను ముంచెత్తుతున్నాయి. ఛలో సినిమాతో తెలుగు పరిశ్రమలోకి అడుగుపెట్టిన ఈ అందాల భామ. . ఆ తర్వాత గీత గోవిందం, దేవదాసు, డియర్ కామ్రేడ్ చిత్రాలతో రేంజ్ పెంచుకొన్నది. ఇప్పడు ఏకంగా మహేష్ బాబుతో జతకట్టే అవకాశాన్ని దక్కించుకొన్నది. అయితే రష్మిక రెమ్యునరేషన్ విషయంలో ఓ వార్త మీడియాలో విస్తృతంగా ప్రచారం అవుతున్నది. అదేమిటంటే.
దిల్ రాజు మూవీ గురించి ఇటీవల దిల్ రాజు రూపొందించే సినిమా కోసం రష్మిక డేట్లను అడిగితే దిమ్మతిరిగిపోయే రెమ్యునరేషన్ చెప్పగా.. అందుకు చిత్ర యూనిట్ సందిగ్ధంలో పడ్డారట. తాజాగా నాగచైతన్యతో ఓ సినిమాను దిల్ రాజు నిర్మించేందుకు సిద్ధమైన సంగతి తెలిసిందే. ఆ సినిమా కోసం డిమాండ్ చేసిన మొత్తంపై సినీ వర్గాల్లో చర్చకు దారి తీసిందనేది తాజా సమాచారం.
ఇక తన డిమాండ్‌కు దిల్ రాజు నుంచి ఎలాంటి సమాధానం రాకపోవడంతో ఆ సినిమాను నుంచి రష్మిక తప్పుకొనేందుకు నిర్ణయం తీసుకొన్నారట. అయితే ఇంతకు ఆమె ఈ సినిమాలో కొనసాగుతుందా లేక ఇంకా చర్చలు జరుపుతున్నారా అనే విషయం మరింత సందేహాలను రేకెత్తించింది. ఈ వార్తపై అధికారికంగా ఎలాంటి ధృవీకరణ లేకపోవడం గమనార్హం.
తన ఖాతాలో వరుసగా సక్సెస్‌లు చేరడంతో రెమ్యునరేషన్ పెంచాననే విషయంపై రష్మిక క్లారిటీ ఇచ్చారు. విజయాలు ఉన్నప్పుడే పారితోషికం పెంచకపోతే ఫ్లాపుల్లో ఉన్నప్పుడు పెంచుకోవడానికి అవకాశం ఉంటుందా అనే ప్రశ్నను ఓ ప్రెస్‌మీట్‌లో వేశారు. అయితే తన డిమాండ్ మేరకే రెమ్యునరేషన్‌ను పెంచానని, అంతేకాని భారీగా ఏ మాత్రం పెంచలేదని విషయాన్ని స్పష్టం చేశారు.