చాలామంది నోటి కాన్సర్ బాధితులు పొగాకు ఉత్పత్తులు వాడడమే వారికి నోటి కాన్సర్ రావడానికి ప్రధాన కారణమని అందరూ భావిస్తుంటారు. కానీ కొంత మంది మాత్రం ఎటువంటి పొగాకు ఉత్పత్తులు వాడకపోయినప్పటికీ నోటి కాన్సర్ బారిన పడి క్షోభ అనుభవిస్తారు.అసలు జీవితంలో ఒక్కసారి కూడా పొగాకు తినని తమకు నోటి కాన్సర్ ఎలా వచ్చిందా అని చాలా మంది నివ్వెరపోతుంటారు. అందుకు కారణం కూడా లేకపోలేదని పలువురు వైద్యులు సూచిస్తున్నారు. కేవలం పొగాకు ఉత్పత్తులు వాడితేనే నోటి కాన్సర్ వస్తుందని భ్రమ పడితే అది కరెక్ట్ కాదని చెబుతున్నారు. నోటిశుభ్రత సరిగా పాటించకపోవడం కూడా నోటి కాన్సర్ వచ్చేందుకు ఒక కారణం అని పేర్కొంటున్నారు.
ఓ వైద్యుడు కాన్సర్ వచ్చేందుకు గల కారణాలను గురించి వివరిస్తూ… పొగాకు నమలడం కాకుండా నోటి శుభ్రత పాటించని వ్యక్తుల్లో కూడా కాన్సర్ వచ్చే ప్రమాదముందని హెచ్చరించారు.నోటి కాన్సర్ గురించి తక్కువగా అంచనా వేయడం పొరపాటే అవుతుందని వైద్యులు తెలిపారు. మన భారతదేశంలోనే చూసుకుంటే రకరకాల కాన్సర్ భారిన పడిన వాళ్లల్లో నోటి కాన్సర్తో బాధపడే వాళ్లలో దాదాపు 11.28 శాతం మంది పురుషులు బాధపడడం గమనార్హం. నోటి కాన్సర్తో బాధపడే వారిలో కేవలం పురుషులు మాత్రమే ఉంటారనుకోవడం చాలా పొరపాటు. మహిళలకు కూడా ప్రస్తుత రోజుల్లో నోటి కాన్సర్ వస్తుంది. మన భారతదేశంలో కాన్సర్తో బాధపడే మహిళల్లో 4.3 శాతం మంది నోటి కాన్సర్ బాధితులే కావడం పరిస్థితి తీవ్రతకు అద్దం పడుతోంది.
అసలు మన దేశంలో చాలా మంది దంత సమస్యలతో బాధపడుతూ ఉంటారు. వీరందరూ నోటి కాన్సర్ భారిన పడతారని చెప్పలేం కాని సరిగ్గా నోటిని శుభ్రం చేసుకోని వారిలో చాలా మంది నోటి కాన్సర్ వ్యాధితో బాధపడుతున్నారు. మరీ దారుణమైన విషయం ఏంటంటే… అసలు కొంత మంది రోజూ బ్రషింగ్ కూడా చేయరు. చాలా మంది వ్యక్తులు రోజుకు ఒకసారి మాత్రమే ఏదో నామమాత్రంగా బ్రషింగ్ చేసి నోటిని శుభ్రపరుచుకుంటారు. నోటి కాన్సర్ రాకుండా మన నోరును శుభ్రంగా ఉంచుకోవడం చాలా అవసరం. మరియు సాధ్యమైనప్పుడల్లా దంత వైద్యున్ని సంప్రదించి మన నోటి శుభ్రతను చెక్ చేయించుకుంటూ ఉండాలి. ఇలా జాగ్రత్తలు తీసుకోవడం వల్ల మనం నోటిని శుభ్రంగా ఉంచుకునేందుకు వీలుపడుతుంది.
ఇంకా చెప్పాలంటే దంతాలు, చిగుళ్ల సమస్యలతో బాధపడేవారిలో చాలా ఎక్కువ మంది నోటి కాన్సర్ భారిన పడే ప్రమాదం ఉంది. కావున దంతాల ఆరోగ్యం అనేది చాలా మఖ్యం.చాలా పేరు ప్రఖ్యాతులు ఉన్న దంత వైద్యుడు చెప్పిన దాని ప్రకారం… నోటి కాన్సర్ అనేది మన దేశంలో కాన్సర్తో పోరాడుతున్న వారిలో దాదాపు 11.28 శాతం మంది పురుషులను, 4.3 శాతం మంది స్త్రీలను పట్టి పీడిస్తుందని ఆయన వివరించారు.
పొగాకు ఉత్పత్తులు వాడడంతో పాటు నోటి శుభ్రత సరిగా లేకపోవడం వల్ల నోటి కాన్సర్ వచ్చే ప్రమాదముందని, నోటి శుభ్రత సరిగా లేకపోతే చిగుళ్ల సమస్యలు, దంతక్షయం, నోటి నుంచి దుర్వాసన రావడం వంటి సమస్యలు వస్తాయని డాక్టర్లు భావిస్తారని, కానీ ఇలాగే నోటి శుభ్రతను పాటించడంలో నిర్లక్ష్యం ప్రదర్శిస్తే… మాత్రం అది నోటి కాన్సర్ వ్యాధి భారిన పడేస్తుందని ఆయన హెచ్చరించారు.పొగాకు ఉత్పత్తులను వాడడం, నోటిని పరి శుభ్రంగా ఉంచుకోకపోవడం మద్యం సేవించడం, అసలు దంతాల ఆరోగ్యం గురించి దంత వైద్యుడిని సంప్రదించపోవడంతో పాటు సామాజిక ఆర్థికస్థితులు కూడా నోటి కాన్సర్ వచ్చేందుకు దోహదపడతాయని ఆయన వివరించారు.
బయటి ప్రపంచం గురించి, కాన్సర్ గురించి సరైన అవగాహన లేని తక్కువ చదువుకున్న వారు కూడా కాన్సర్ బారినపడే అవకాశముందని ఆయన వివరించారు.POH కారకం అనేది మనలో కాన్సర్ వచ్చేందుకు కారకంలా పని చేస్తుంది. మనం పొగాకు ఉత్పత్తులు, ఆల్కహాల్ ఉత్పత్తులు తీసుకున్నపుడు ఈ POH వాటిలో ఉండే మెటాబోలైట్ అనే దానితో చర్య జరిపి కాన్సర్ కారకాలను ఉత్పత్తి చేస్తుంది. అందువల్లే మనలో కాన్సర్ వస్తుందని వైద్యులు తెలిపారు. అంతే కాకుండా POH ఆల్కహాల్‌తో కలిసినపుడు ఆల్డిహైడ్ ను ఏర్పరుస్తుంది. ఈ ఆల్డిహైడ్ కాన్సర్ కలిగించే కణాలను తయారు చేస్తుంది..
నోటిని పరిశుభ్రంగా ఉంచుకునేందుకు ప్రధానంగా మనం చేయవల్సింది పొగాకు, పొగాకు ఉత్పత్తులకు దూరంగా ఉండడం. అలాగే మంచి ఆరోగ్యకరమైన నోటి కోసం మద్యపానాన్ని సేవించకపోవడమే ఉత్తమమైన మార్గం అని చాలా పరిశోధనల్లో తేలింది. ఇలా మద్యం సేవించే వారిలో నోటి దుర్వాసనతో పాటు అనేక రకాల నోటి సమస్యలను మనం గుర్తించవచ్చు. అలాగే చిగుళ్ల నుంచి కూడా రక్తస్రావం అయ్యే అవకాశాలు ఇటువంటి వారిలో ఎక్కువగా ఉంటాయి.
మనం నోటి క్యాన్సర్ భారిన పడేందుకు గల మూడు కారణాలను వివరించారు. నోటి శుభ్రతను సరిగ్గా పాటించకపోవడం, పొగాకు ఉత్పత్తులను తినడం, మద్యం సేవించడం పై మూడు కారణాల వలన మనలో నోటి క్యాన్సర్ వచ్చేందుకు ఎక్కువగా ఆస్కారం ఉంటుందనే అభిప్రాయాన్ని డాక్టర్ వ్యక్తం చేయడం గమనార్హం. కావున ప్రతి ఒక్కరూ నోటి క్యాన్సర్ భారిన పడకుండా ఉండేందుకు తరుచూ నోటిని శుభ్రంగా కడుక్కుంటూ ఉండడం మంచిది. అలాగే పొగాకు ఉత్పత్తులు, మరియు మద్యపానం లాంటి అలవాట్లకు దూరంగా ఉంటూ నోటి కాన్సర్ భారి నుంచి మనల్ని మనం కాపాడుకోవచ్చు.